Улады Вялікабрытаніі з 2037 года падвысяць пенсійны ўзрост да 68 гадоў. Пра гэта заявіў міністр працы і пенсій Дэвід Гоўк, паведамляюць інфармагенцтвы са спасылкай на The Telegraph.
«Па меры таго, як сярэдняя працягласць жыцця працягвае расці і колькасць людзей, якія атрымліваюць дзяржаўную пенсію, павялічваецца, нам трэба быць упэўненымі ў тым, што мы маем справядлівай і надзейнай сістэмай, якая адлюстроўвае сучаснае жыццё і якая працуе для будучых пакаленняў», — заявіў Гоўк, выступаючы ў парламенце.
Да гэтага правесці павышэнне пенсійнага ўзросту планавалася на сем гадоў пазней, аднак цяпер міністр заявіў, што пераход да новых правіл пачнецца ў перыяд з 2037 па 2039 год.
Як піша The Guardian, у 2013 годзе ўрад Вялікабрытаніі вырашыў у далейшым паступова павялічваць пенсійны ўзрост у адпаведнасці з чаканай працягласцю жыцця. Тады ўлады патлумачылі гэта намерам прадухіліць растучыя ў сувязі з гэтым выдаткі.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары