Mužčyna, jaki napaŭ na naviedvalnikaŭ supiermarkieta ŭ Hamburhu, prytrymlivaŭsia radykalnych relihijnych pohladaŭ, paviedamlajuć infarmahienctvy sa spasyłkaj na zajavy miascovych uładaŭ.
Napad učyniŭ 26-hadovy mihrant, uradženiec Abjadnanych Arabskich Emirataŭ. Pryjechaŭšy ŭ Hiermaniju, jon padaŭ prašeńnie ab pradastaŭleńni prytułku, ale nie atrymaŭ jaho.
«Na ciapierašni momant my možam skazać, što, z adnaho boku, matyŭ učynku źviazany z relihijnymi abstavinami, jość isłamiscki składnik. Ź inšaha boku, jość taksama śviedčańni psichičnaj niestabilnaści», — adznačyŭ na pres-kanfierencyi sienatar pa ŭnutranych spravach Hamburha Endzi Hrote.
Pa słovach pradstaŭnika haradskich uładaŭ, zatrymany byŭ viadomy orhanam biaśpieki. U daśje śpiecsłužbaŭ padazravany byŭ zaniesieny jak isłamist, ale nie jak džychadzist.
Jak paviedamlałasia, 28 lipienia, uzbrojeny nažom mužčyna napaŭ na naviedvalnikaŭ supiermarkieta ŭ Hamburhu. Pavodle ŭdakładnienych danych, adzin čałaviek zahinuŭ, siamiora paciarpieli.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary