Siońnia ŭ abiedzienny čas žychary vulicy Mazurava ŭ Homieli nazirali efiektny vadziany słup vyšynioj ź dzieviacipaviarchovy dom. Doŭžyłasia vodnaja fiejeryja prykładna kala čatyroch chvilin. Tut.by daviedaŭsia, što zdaryłasia.
Jak vyśvietliłasia, homielskija haradskija ciepłasietki pravodzili płanavyja hidraŭličnyja vyprabavańni na tryvałaść i ščylnaść ciepłasietki pavyšanym ciskam. Robicca heta, kab vyznačyć tak zvanyja słabyja miescy.
«Takija paryvy padčas vyprabavańniaŭ — narmalnaja źjava, zvyčajna ich dziasiatki. Ale nie ŭsie takija efiektnyja, — paviedamili na pradpryjemstvie. Nichto padčas fors-mažoru nie paciarpieŭ. Vada pierad tym, jak pavyšać cisk u trubach, pavodle instrukcyi, papiarednie astudžajecca da 40 hradusaŭ.
Ciapier śpiecyjalnaja kamisija z rabotnikaŭ Homielskich ciepłavych sietak abychodzić žycharoŭ kvater, u jakija mahła praz adkrytyja vokny patrapić vada, vyśviatlaje infarmacyju pra straty. Darečy, usie vypadki buduć strachavymi.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary