Tryccacihadovy matacyklist raźbiŭsia ŭ Kleckim rajonie, paviedamili BiełTA va ŭpraŭleńni DAI UUS Minabłvykankama.
Kala vioski Zahornaje Kleckaha rajona 5 žniŭnia pryblizna a 12.30, 30-hadovy minčanin, ruchajučysia na matacykle «Kavasaki JECH650», na zakruhleńni darohi ŭleva nie spraviŭsia z kiravańniem, źjechaŭ kiuviet, zatym u pole, dzie ździejśniŭ najezd na rułon siena.
U vyniku DTZ matacyklist ad atrymanych cialesnych paškodžańniaŭ pamior na miescy. «Viadoma, što jon mieŭ vadzicielskaje paśviedčańnie adpaviednaj katehoryi, byŭ u šlemie. Ale raniej 6 razoŭ pryciahvaŭsia da administracyjnaj adkaznaści za pieravyšeńnie chutkaści. Pravodzicca pravierka», — rastłumačyli ŭ DAI.
Akramia taho, 5 žniŭnia ŭ 12.30 pablizu Červienia kiroŭca 1981 hoda naradžeńnia, kirujučy aŭtamabilem MAZ, najechaŭ na viełasipiedysta, 1983 hoda naradžeńnia, žychara Červienia. Viełasipiedyst vyjechaŭ na prajeznuju častku z druharadnaj darohi. U vyniku DTZ jon atrymaŭ cialesnyja paškodžańni i špitalizavany. Jak akazałasia, viełasipiedyst znachodziŭsia ŭ stanie ałkaholnaha apjanieńnia. Pravodzicca pravierka.
Treciaje DTZ było zarehistravana ŭ Barysavie. «Falksvahien Poła», jakim kiravała žančyna 1971 hoda naradžeńnia, paviartajučy naleva, najechaŭ na piešachoda. Miascovy žychar 1963 hoda naradžeńnia ruchaŭsia pa krai prajeznaj častki ŭ sustrečnym kirunku. Paśla čaho aŭto ŭdaryłasia ŭ aporu ŁEP. U vyniku DTZ piešachod atrymaŭ cialesnyja paškodžańni i špitalizavany ŭ Barysaŭskuju CRB. Kiroŭca była pryšpilenaja ramianiom biaśpieki i nie paciarpieła.
Kamientary