ŭ prysutnaści «prezydenta» hetaj terytoryi.
ŭ prysutnaści «prezydenta» hetaj terytoryi.
Mahamied Jeŭłojeŭ prylacieŭ u Mahas, stalicu aŭtanomii, tak zdaryłasia, adnym rejsam ź jaje «prezydentam», hienerałam FSB Muratam Ziazikavym. U aeraporcie Ziazikava sustreŭ kartež, a Jeŭłojeva – hrupa specnazaŭcaŭ. U časie zatrymańnia raspačałasia stralanina, i Jeŭłojeŭ zahinuŭ. Pavodle aficyjnaje versii, specnazaŭcy adkryli papieradžalnuju stralbu pa nahach, ale vypadkova kula trapiła ŭ hałavu. Raspačataja kryminalnaja sprava pa fakcie «nienaŭmysnaha zabojstva».
Zabity – znany biznesoviec-inhuš – byŭ ułaśnikam sajtu Inhušietija.ru i niefarmalnym lideram apazycyi Inhušecii, što patrabuje bolš pavahi da miascovych tradycyj i pravoŭ čałavieka. Na dziejačoŭ apazycyi abrynulisia represii. Sajt byŭ zabaronieny, nibyta za ekstremizm, a jaho redaktarka Roza Malsahava vymušanaja była prasić palityčnaha prytułku ŭ Francyi.
Aficyjny pradstaŭnik Jeŭłojeva Mahamied Chaźbijeŭ paviedamiŭ, što streł byŭ prosta ŭ skroniu, i «daktary adrazu skazali, što šancy vyžyć nulavyja», – skazaŭ jon.
Inhušecija – adna z najbiadniejšych terytoryj Rasiei. Pieraniesielenaja, zaniadbanaja, histaryčna pakryŭdžanaja – u časie etničnaj čystki 1944 hodu častku inhuskich ziamiel addali palityčna addanym Rasiei asiacinam – terytoryja ŭjaŭlaje saboju vybuchovy kacioł. Jana maje ŭsie šancy na niezaležnaść na čarhovym etapie raspadu Rasiei. U adroźnieńnie ad Adyhiei, inhušy miažujuć z patencyjna niezaležnaj Čačenijaj, u adroźnieńnie ad terytoryj Pavołža niezrusifikavanaje karennaje nasielnictva składaje tamaka bolšaść, u adroźnieńnie ad Dahiestanu respublika hamahiennaja.
Kab zdušyć inhušaŭ, Pucin skinuŭ aŭtarytetnaha kiraŭnika aŭtanomii Rusłana Aŭšava, zamianiŭšy jaho svaim kaleham z KHB, i ŭvioŭ režym teroru. Mitynhi ŭ Nazrani (najbolšy horad terytoryi) razhanialisia zbrojna, u aŭtanomii dziejničaje antyrasiejskaje ŭzbrojenaje padpolle.
Jeŭłojeŭ sprabavaŭ zhurtavać lehalnuju apazycyju, ale Maskva zreahavała represijami i na heta.
Apazicyja Inhušecii razhladaje mahčymaść zvarotu da suśvietnaj hramadskaści z prośbaj adździalić respubliku ad Rasii. Pra heta zajaviŭ Chaźbijeŭ, jaki taksama ŭznačalvaje Arhkamitet ahulnanacyjanalnaha mitynhu pratestu.
«Nam treba prasić Jeŭropu ci Amieryku, kab nas adłučyli ad Rasii», – skazaŭ jon u efiry radyjostancyi «Echo Moskvy». Jon dadaŭ, što inakš nie «spynić hienacydu inhuskaha narodu», jaki ździajśniaje Kreml.
Inhušy sklikajuć ahulnanacyjanalny schod starejšynaŭ, na jakim majuć abmierkavać svaje dalejšyja dziejańni.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić23
Kamientary