Jak paviedamiŭ karespandentu BiełTA pamočnik prakurora Rasonskaha rajona Alaksiej Karyćka, incydent adbyŭsia viasnoj kala vioski Kryŭlova.
Siamiora rasiejcaŭ tudy tradycyjna pryjazdžali na palavańnie. «Mužčyna nie vykanaŭ ukazańnie kiraŭnika palavańnia i nie stralaŭ sa skradku. Jon nie pierakanaŭsia ŭ tym, što pablizu niama ludziej, pajšoŭ da bieraha voziera i pačaŭ stralać. U toj ža čas na druhim bierazie znachodziŭsia jaho 50-hadovy siabar, — skazaŭ pamočnik prakurora. — U vyniku ŭ inšaha rasijanina patrapili dźvie kuli — adnu spyniła vopratka, druhaja ž naniesła śmiarotnaje ranieńnie. Jak pakazała ekśpiertyza, kula zrykašeciła ad vady». Paranieny pamior u mašynie chutkaj dapamohi.
Sud nad 51-hadovym rasijaninam adbyŭsia ŭ pačatku žniŭnia. «Prysud vyniesieny pa fakcie pryčynieńnia śmierci pa nieaściarožnaści. Abvinavačany praviadzie paŭhoda ŭ kałonii-pasialeńni. Na try hady jon pazbaŭleny prava zajmacca dziejnaściu, źviazanaj z palavańniem», - paviedamiŭ Alaksiej Karyćka.
Alaksiej Karyćka dadaŭ, što pravasudździe pajšło nasustrač, bo mužčyna ščyra raskajaŭsia, na miescy jon sprabavaŭ akazać miedycynskuju dapamohu paciarpiełamu, maje na ŭtrymańni małoje dzicia i pryniaŭ miery da taho, kab kampiensavać svajakam zahinułaha maralnuju škodu.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary