Siabry arhkamiteta pa stvareńni hramadskaha abjadnańnia «Biełaruskaja chryścijanskaja demakratyja» (BCHD) zdymuć svaich kandydataŭ ź pieradvybarnaj kampanii da 23 vieraśnia.
Na naradzie arhkamiteta BCHD pryniataje rašeńnie ab zdymańni kandydataŭ z vybaraŭ u vypadku nievykanańnia čatyroch asnoŭnych patrabavańniaŭ (uklučeńnie chryścijanskich demakrataŭ u skład vybarčych kamisij, poŭnaje spynieńnie represij, admiena daterminovaha hałasavańnia, svabodny dostup da ŚMI).
Nahadajem, ciapier zarehistravana piać kandydataŭ ad BCHD.Heta Dzianis Sadoŭski (103‑aja Masiukoŭščynskaja akruha Mienska), Vital Rymašeŭski (105‑aja Staravilenskaja, Miensk), Viktar Jančurevič (108‑j Kalinoŭski, Miensk), Taćciana Sieviaryniec (17‑aja Viciebska‑Horkaŭskaja abłasnoha centra) i Kastuś Žukoŭski (38‑ia Buda‑Kašaloŭskaja ŭ Homielskaj vobłaści). Jašče try siabry arhkamiteta pa stvareńni BCHD — Taćciana Šambałava, Źmicier Kuchlej i Alaksiej Alaksandrovič — nie zarehistravanyja ŭ jakaści kandydataŭ u deputaty i padali skarhi ŭ CVK.
«My budziem vieści aktyŭnuju kampaniju ŭ akruhach i tłumačyć ludziam: na vybary nie chadzicie, padmanuć, ale ŭdzielničajcie ŭ našych kampanijach— voś našyja lidery BCHD u vas u akruhach», — kaža sustaršynia pa stvareńni BCHD Pavieł Sieviaryniec.
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy64
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary