Takuju metu pierad trenieram i zbornaj pastaviła kiraŭnictva Biełaruskaj federacyi futbołu.
Minimalnaj zadačaj biełaruskich futbalistaŭ u kvalifikacyi da čempijanatu śvietu‑2010 źjaŭlajecca 3‑ie miesca ŭ svajoj adboračnaj hrupie.
A zadača‑maksimum — pieršaje miesca.
Pra heta zajaviŭ na pres‑kanferencyi hałoŭny trenier nacyjanalnaj zbornaj Biełarusi pa futbole Bernd Štanhie, jaki padzialiŭsia z žurnalistami padrabiaznaściami padrychtoŭki da startu ŭ adboračnym cykle.
Nahadajem, što supiernikami biełarusaŭ pa hrupie buduć zbornyja Anhlii, Charvatyi, Ukrainy, Kazachstanu i Andory.
Pieršy matč biełarusy praviaduć 6 vieraśnia ŭ Lvovie suprać Ukrainy (tranślacyja a 20‑j na kanale ONT). 10 vieraśnia matč u haściach z Andoraj,
a 15 kastryčnika ŭ Miensku hulnia sa zbornaj Anhlii.
«Hulcy prybyli [u Miensk rychtavacca da matču z Ukrainaj -- NN] biez traŭmaŭ, i my nastrojeny vielmi aptymistyčna pierad startam adboračnaha turniru.
Siońnia staršynia Biełaruskaj federacyi futbołu Hienadź Niavyhłas pastaviŭ pierad zbornaj minimalnuju zadaču: zaniać 3‑ie miesca ŭ adbočnaj hrupie.Naša maksimalnaja zadača — 1‑ie miesca, dla čaho treba pakinuć za śpinaj adrazu troch supiernikaŭ, jakija zaŭvažna nas pierazychodziać u suśvietnym rejtynhu: Anhliju, Charvatyju i Ukrainu. Hulcy buduć staracca zrabić usio mahčymaje. Ale za 30 hod trenierskaha stažu ja zrazumieŭ, što ŭ futbole nie isnuje takoha liftu, zajšoŭšy ŭ jaki možna było b adrazu apynucca an viaršyni. Treba ŭzdymacca, pieraadolvajučy prystupku za prystupkaj», — skazaŭ Bernd Štanhie.
U suviazi z hetym hałoŭny trenier vykazaŭ padziaku kiraŭnictvu Biełaruskaj federacyi futbołu, jakaja «realna aceńvaje stanovišča rečaŭ, staviačy minimalnaj zadačaj treciaje miesca ŭ hrupie».
Kamientary