Ašukancy praciahvajuć zarablać na naiŭnych biełarusach. Ale kali z-za dziejańniaŭ pradaŭcoŭ filtraŭ abo «ramontnikaŭ» kampjutaraŭ vy možacie stracić tolki hrošy, to «elektryki», jakija źjavilisia niadaŭna, mohuć pazbavić vas žyćcia, papiaredžvaje TUT.BY.
Zusim niadaŭna «Biełenierha» papiaredžvała ab uzrosłych vypadkach machlarstva. Nazyvajučysia rabotnikami enierhazabieśpiačalnych arhanizacyj, «elektryki» vymańvali ŭ hramadzian hrošy na akazańnie płatnych pasłuh.
Navina źjaviłasia va ŭsich biełaruskich ŚMI, adnak vypadki machlarstva praciahvajucca. TUT.BY atrymaŭ list ad čytača Mikałaja, jaki raspavioŭ i pakazaŭ pracu takich «elektrykaŭ» u Breście.
Jon raspavioŭ, jak adna pryvatnaja firma prapanoŭvała ŭstalavać PAA (pryłada achoŭnaha adklučeńnia) i elektryčnyja vyklučalniki ŭ elektraščytku. Pry hetym košt za ŭstanoŭku 3 vyklučalnikaŭ i 1 PAA składaŭ 220 rubloŭ. Voś što piša Mikałaj:
«Maja ciešča, jakaja žyvie ŭ Breście, taksama trapiła na vudu hetych «elektrykaŭ». Pryjechaŭšy da jaje ŭ hości, ja ŭbačyŭ, jak jany zrabili padłučeńnie. «Elektryk», jaki rabiŭ pasłuhi, vidavočna nie vałodaje nijakimi viedami, a sama sistema padłučeńnia ŭ vypadku karotkaha zamykańnia pryviadzie da pažaru, i navat da śmiarotnaha kanca pry niaspraŭnaści abstalavańnia.
Padnimicie, kali łaska, hetuju temu, kab ludzi zmahli pravieryć pravilnaść padłučeńnia ŭ siabie».
U jakaści dokazu jon vysłaŭ zdymki pracy «majstroŭ».
My paprasili prakamientavać takoje padłučeńnie načalnika infarmacyjna-analityčnaha adździeła DVA «Biełenierha» Alaksandra Malkova.
Jon taksama paćvierdziŭ, što «takaja schiema padłučeńnia PAA nie zabiaśpiečvaje abarony ni ad pažaru ŭ vypadku zamykańnia, ni ad paražeńnia tokam ludziej (siłkavańnie nie budzie adklučacca pry uciečkach toku na ziamlu)».
Kali ŭ vas, vašych rodnych ci znajomych užo pabyvali takija «majstry», abaviazkova vykličcie sapraŭdnych śpiecyjalistaŭ dla pravierki karektnaści padłučeńnia PAA.
«Biełenierha» nahadvaje, jak adroźnić svaich supracoŭnikaŭ ad psieŭdaelektrykaŭ:
«Usie supracoŭniki filijałaŭ «Enierhazbyt» enierhazabieśpiačalnych arhanizacyj pry naviedvańni spažyŭcoŭ elektryčnaj enierhii pavinny być apranutyja ŭ śpiecvopratku i mieć pry sabie paśviedčańnie supracoŭnika filijała «Enierhazbyt».
Paśviedčańnie pavinna ŭtrymlivać nastupnuju infarmacyju: numar, imia, imia pa baćku supracoŭnika, strukturnaje padraździaleńnie, u jakim pracuje supracoŭnik, pasada, termin dziejańnia paśviedčańnia, fatahrafiju. Paśviedčańnie ŭ abaviazkovym paradku zamacoŭvajecca piačatkaj ukazanaha filijała.
Supracoŭniki filijałaŭ «Enierhazbyt» nie prapanoŭvajuć zaklučyć damovu na akazańnie pasłuh «na miescy».
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary