Biełarus Andrej Lichavicki vyjhraŭ etap Kubka śvietu katehoryi Challenge pa spartyŭnaj himnastycy ŭ praktykavańni na kani, paviedamlaje karespandent BiełTA.
Dla biełaruskaha himnasta vystup u Varnie — pieršy start u novym siezonie. U kvalifikacyi jon pakazaŭ treci vynik, a ŭ finale atrymaŭ samyja vysokija bały siarod vaśmi atletaŭ — 14,600.
Druhoje miesca zaniaŭ francuz Sirył Tamazon — 14,100, bronzavaja ŭznaharoda ŭ aktyvie Jakava Vłachieka z Charvatyi — 13,900.
Nie trapiŭ u lik pryzioraŭ u praktykavańni na kani tytułavany ŭkrainiec, alimpijski čempijon Aleh Viarniajeŭ, jaki staŭ tolki piatym.
U finale volnych praktykavańniaŭ vystupiŭ taksama biełarus Pavieł Bułaŭski, jaki raźmiaściŭsia na šostym radku vynikovaha pratakołu - 13,650 bała. Pieramoh u hetym vidzie čylijec Tomas Hansales - 14,700.
Biełaruskija himnasty Illa Jakaŭleŭ i Pavieł Bułaŭski voźmuć udzieł u vyrašalnaj stadyi ŭ apornym skačku.
Na paralelnych brusach vystupić Andrej Lichavicki. Taksama jon pazmahajecca za ŭznaharody na pierakładzinie.
Hałoŭnym startam siezona stanie čempijanat śvietu pa spartyŭnaj himnastycy, jaki ad 2 da 8 kastryčnika prymie kanadski Manreal.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary