Kiraŭnik Biełarusi, prezident NAK Alaksandr Łukašenka siońnia na pašyranym pasiadžeńni Vykankama NAK pa pytańni praviadzieńnia II Jeŭrapiejskich hulniaŭ žorstka raskrytykavaŭ vystupleńni biełaruskich spartsmienaŭ na roznych mižnarodnych startach apošnim časam, piša BiełTA.
Zakranajučy matčy biełaruskaj futbolnaj kamandy, kiraŭnik dziaržavy źviarnuŭ uvahu, što ŭ adboračnym turniry čempijanatu śvietu jana sastupiła navat zbornaj Luksiemburha [0:1].
«Heta chutčej by zabyć. Heta ž nie sprava — takoje staŭleńnie», — padkreśliŭ Alaksandr Łukašenka.
Niezadavoleny kiraŭnik dziaržavy i vystupleńniem chakiejnaha kłuba «Dynama-Minsk», jaki ŭ čempijanacie KCHŁ dapuściŭ sieryju kryŭdnych projhryšaŭ [šeść parazaŭ zapar i adna pieramoha — NN].
«Nie radujciesia, što źjeździli ŭ Sočy i vyjhrali [učora «Dynama» pieramahło CHK «Sočy» ź likam 4:2 — NN]. Heta śviedčyć ab tym, što hulać umiejecie, ale nie hulajecie. Soramna hladzieć, jak katajucca na kańkach», — skazaŭ jon.
Kiraŭnik dziaržavy źviarnuŭ uvahu, što nie pakazali hodnych vynikaŭ i nacyjanalnyja kamandy na minułych čempijanatach śvietu pa lohkaj atletycy, mastackaj himnastycy i dziudo. «Na što hrošy tracim?» — zadaŭ rytaryčnaje pytańnie Łukašenka.
«U vas jość čas dla taho, kab pierabudavacca, pamianiać trenieraŭ, kali treba. Kali chočacie niešta zavajavać u sporcie, treba być na hałavu vyšej za inšych. Usie pavinny być biezumoŭnymi lidarami. Spahnańnie z kiraŭnikoŭ fiederacyj budzie žestačajšym. Prychodźcie pa hrošy, kali budzie pierśpiektyŭny spartsmien i trenier. Pad heta hrošy my budziem vydzialać, a potym patrabavać ad ich za vynik. I spynicie spasyłacca na niejkija pierabudovy, źmienu pakaleńniaŭ, — zapatrabavaŭ kiraŭnik. — Hrošy atrymajuć — heta majo ćviordaje patrabavańnie da NAKu i ŭradu — tolki spartsmien i trenier. Vynik dali — prychodźcie i prasicie, što chočacie».
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje13
Kamientary