Adrazu vosiem vyspaŭ Mikranezii apynulisia na dnie Cichaha akijana ŭ vyniku hłabalnaha paciapleńnia i źviazanaha ź im rostu ŭzroŭniu mora, śćviardžajuć navukoŭcy ŭ artykule, apublikavanym u vydańni Journal of Coastal Conservation.
Uzrovień suśvietnaha akijana zaležyć ad siaredniaj tempieratury pavietra, płoščy ladovaha pokryva, abjomu ścioku rek i inšych klimatyčnych paramietraŭ. Na ŭsio heta ŭpłyvaje źmianieńnie klimatu, u suviazi z čym klimatołahi i akijanołahi nazirajuć za vahańniami ŭzroŭniu mora.
Za apošniaje stahodździe ŭzrovień vady ŭ suśvietnym akijanie vyras na 17 sm.
Dalejšaje padvyšeńnie ŭzroŭniu akijana moža stać pryčynaj zatapleńnia prybiarežnych rajonaŭ u Jeŭropie i ŭ inšych častkach śvietu i moža dadatkova paskoryć źmianieńnie klimatu.
Chutkaść rostu ŭzroŭniu mora mocna adroźnivajecca dla roznych kutkoŭ suśvietnaha akijana z-za taho, jak uzajemadziejničajuć pamiž saboj ciačeńni i prypavierchnievyja patoki pavietra, a taksama taho, padymajucca ci apuskajucca parody sušy.
Hod tamu akijanołah Sajman Albiert z univiersiteta Kvinsłenda vyjaviŭ, što hety praces užo paśpieŭ źniščyć piać vyspaŭ u składzie Siejšelskaha archipiełaha, pieratvaryŭšy ich u dno mora.
Hetaje adkryćcio prymusiła Patryka Nana z univiersiteta Sanšajn-Kost (Aŭstralija) i jaho kaleh pravieryć, ci nie adbyłosia niešta padobnaje i z vyspami Mikranezii, dzie ŭzrovień mora taksama raście anamalna chutka.
Uvahu navukoŭcaŭ pryciahnuła vyspa z nazvaj Panpiei — adzin z samych bujnych atołaŭ Mikranezii, jaki ŭźnik u vyniku vyviaržeńnia vułkana kala 9 miljonaŭ hadoŭ tamu. Panpiei akružany mnostvam drobnych vyspaŭ, častka ź jakich źjaŭlajecca zasielenaj, a inšyja — nie. Mnohija z hetych ryfaŭ, jak raspaviali akijanołaham miascovyja žychary, u minułym stanavilisia pradmietam vojnaŭ pamiž plamionami mikraniezijcaŭ.
Praanalizavaŭšy ich historyju i biahučy stan, Nan i jahonyja kalehi pryjšli da vysnovy, što jak minimum vosiem vyspaŭ z akružeńnia Panpiei zusim niadaŭna źnikli i apynulisia na dnie mora.
Častka ź ich była razburanaja marskimi ciačeńniami, a inšyja pa-raniejšamu isnujuć na dnie Cichaha akijana.
U budučyni, jak miarkujecca, praces źniknieńnia sušy ŭ Mikranezii, na Siejšełach i ŭ inšych nizinnych rehijonach Paŭdniova-Uschodniaj Azii i Aŭstraniezii budzie tolki paskaracca i ŭzmacniacca. Całkam mahčyma, što ŭradam krain rehijonu pryjdziecca pryniać adpaviednyja zachady pa pierasialeńni žycharoŭ hetych vyspaŭ ŭ biaśpiečnyja rehijony.
Kamientary