Kancler Hiermanii paraŭnała anieksiju Kryma z padziełam Hiermanii. Takim čynam Anhieła Mierkiel prakamientavała zajavu lidara Svabodnaj demakratyčnaj partyi FRH. Na dumku Kryścijana Lindniera, pytańnie anieksii Kryma nieabchodna časova razhladać «asobna», kab dasiahnuć prahresu ŭ adnosinach z Rasijaj.
«Kali ja čuju, što nam varta prosta pryniać rasijskuju anieksiju Kryma, to ja dumaju: a što było b z nami, kali b i ŭ adnosinach da HDR my ŭžyvali padobnyja łozunhi?» — zajaviła Mierkiel u intervju vydańniu Frankfurter Allgemeinen Sonntagszeitung.
Paźniej Lindnier rastłumačyŭ svaju pazicyju, zajaviŭšy, što jaho partyja nie pryznaje niezakonnuju anieksiju Kryma. Ale, tak jak ciapier prablemu akupacyi vyrašyć niemahčyma, nie varta pryviazvać da jaje inšyja pytańni, bo inakš, pa jaho słovach, nie ŭdasca dasiahnuć prahresu ŭ adnosinach z Maskvoj.
Va ŭradzie Hiermanii zajavili, što nie źmianili svaju pazicyju ŭ dačynieńni da niezakonnaj anieksii Rasijaj ukrainskaha Kryma.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary