Machlar z Salihorskaha rajona prapanoŭvaŭ za chabar pastupleńnie ŭ rasijskuju VNU, paviedamiła BIEŁTA aficyjny pradstaŭnik USK pa Minskaj vobłaści Taćciana Biełanoh.
Salihorskim rajonnym adździełam Śledčaha kamiteta rasśledujecca kryminalnaja sprava ab padbuchtorvańni da dačy chabaru i machlarstvie ŭ asabliva bujnym pamiery. Abvinavačanym pryznany 35-hadovy ŭradženiec Salihorskaha rajona. Jon abvieščany ŭ mižnarodny vyšuk.
«Mužčyna abvinavačvajecca ŭ tym, što padmanam schilaŭ hramadzian za chabar atrymać dakumienty ab pastupleńni ŭ Branskuju dziaržaŭnuju sielskahaspadarčuju akademiju. Dypłom VNU pa śpiecyjalnaści «miechanizacyja sielskaj haspadarki» jon atrymaŭ u 2014 hodzie, — prainfarmavała Taćciana Biełanoh. — Hramadzianie, jakija žadali spryjalna vyrašyć pytańnie ab zdačy siesii biez naviedvańnia zaniatkaŭ i pytańnie paśpiachovaha zakančeńnia akademii, addavali jamu hrošy. Rabili jany heta dla nastupnaj pieradačy chabaru nibyta słužbovaj asobie VNU».
Sa žniŭnia 2009-ha pa maj 2015 hoda mužčyna zavałodaŭ hrašyma piaci čałaviek na ahulnuju sumu bolš za 250 tysiač rasijskich rubloŭ i $7 tysiač.
Za ździajśnieńnie złačynstvaŭ, praduhledžanych č. 4 art. 209 (machlarstva) i č. 5 art. 16, č. 2 art. 431 (dača chabaru) KK Biełarusi, adšukvajecca Uładzimir Žura 1982 hoda naradžeńnia. Jaho apošniaje miesca žycharstva ŭ 2015 hodzie — h. p. Starobin Salihorskaha rajona Minskaj vobłaści. Śledstva prosić hramadzian, jakija majuć infarmacyju pra mužčynu, paviedamić ab hetym pa telefonach: 8(0174) 33-20-56, 8(029) 610-48-57.
Kamientary