Bolš za 50 krain padpisali ŭ sieradu Damovu ab zabaronie jadziernaj zbroi. Uračystaja cyrymonija prajšła ŭ štab-kvatery AAN u Ńju-Jorku, paviedamlaje TASS.
Pieršym podpis pad dakumientam pastaviŭ prezident Brazilii Mišel Temier. U cyrymonii ŭziali ŭdzieł niekalki kiraŭnikoŭ dziaržaŭ i dziasiatki kiraŭnikoŭ MZS. Čakajecca, što na praciahu dnia ratyfikacyjnyja hramaty pieradaduć try krainy: Hajana, Vatykan i Tajłand.
Dahavor ab zabaronie jadziernaj zbroi ŭstupić u siłu praz 90 dzion paśla taho, jak jaho padpišuć i ratyfikujuć 50 krain. U adpaviednaści z tekstam dakumienta, jaho ŭdzielniki abaviazvajucca «nikoli i ni pry jakich abstavinach» nie raspracoŭvać, nie vypraboŭvać, nie vyrablać i nie nazapašvać jadziernuju zbroju, a taksama ŭžyvać jaje abo pahražać jaje prymianieńniem. Krainam, jakija dałučylisia da pahadnieńnia, budzie taksama zabaroniena raźmiaščać na svajoj terytoryi jadziernuju zbroju inšych dziaržaŭ.
Pahadnieńnie było pryniataje 7 lipienia pa vynikach pieramoŭ, u jakich nie brali ŭdzieł jadziernyja dziaržavy, uklučajučy Rasiju, Vialikabrytaniju, Kitaj, ZŠA i Francyju. Praź dźvie hadziny paśla pryniaćcia dakumienta Vialikabrytanija, ZŠA i Francyja vystupili z sumiesnaj zajavaj, u jakoj paviedamili, što nikoli nie stanuć jaho ŭdzielnikami. U svaju čarhu ŭ MZS RF raniej zajavili, što Maskva nie ratyfikuje damovu, bo jana supiarečyć nacyjanalnym intaresam krainy.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda4
Kamientary