Navukoŭcy raspaviali, u što pieratvorycca śviet biez seksualnaj ciahi
Bolšaść daśledčykaŭ ličać, što hramadstva źviedała b istotnyja transfarmacyi, bo seks źjaŭlajecca mahutnym sacyjalnym i ekanamičnym ruchavikom, piša Gizmodo.
Dacent sacyjałohii kaledža Uiljamsa ŭ ZŠA Hrehary Mitčeł miarkuje, što ŭ vypadku źniknieńnia ciahi pałavaja aktyŭnaść nie pierastanie isnavać, pakolki šmat ludziej i ciapier zajmajucca seksam biez žadańnia. Tym nie mienš, adbyŭsia b mocny ekanamičny spad, a taksama źmianilisia b tradycyjnyja adnosiny pamiž mužčynam i žančynaj. Akramia taho, pavialičyŭsia b popyt na surahatnaje maciarynstva i ŭsynaŭleńnie dziaciej z krain, jakija raźvivajucca.
Na dumku Rejčał Franklin z univiersiteta Braŭna, niahledziačy na źjaŭleńnie novych repraduktyŭnych technałohij, adsutnaść u ludziej seksualnaj ciahi pryviadzie da skaračeńnia nasielnictva.
U vyniku ŭładam daviadziecca prymušać ludziej praciahvać rod. Pa słovach sacyjołaha Ronalda Hryna, adnoj ź mier mahła b stać poŭnaja zabarona na kantraceptyvy.
Kery Habryel Kasteła z univiersiteta Viskonsin-Miłuoki miarkuje, što, straciŭšy cikaŭnaść da seksu, čałaviectva vierniecca ŭ peŭnym sensie da viktaryjanskaj epochi, kali hramadstva vitała ramantyčnyja adnosiny biez pałavych kantaktaŭ. Jak adznačaje navukoviec, u toj čas ludzi zachoŭvali šluby, a naradžalnaść nie źnižałasia dziakujučy vysokamu ŭzroŭniu sacyjalnaj adkaznaści.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary