Pasoł Jeŭrasajuza ŭ Rasii Vihaŭdas Ušackas raskazaŭ pra pajezdku z Uładzimiram Pucinym u lifcie, padčas jakoj jany abmierkavali rasijska-litoŭskija adnosiny. Pra heta Ušackas raspavioŭ u intervju Daždžu.
«My ŭ lifcie jechali paśla pieramovaŭ. U lifcie [byli] tolki prezident Jeŭrakamisii [Žaze Manuel] Barozu, prezident Pucin, ja i para achoŭnikaŭ. Mnie zdavałasia, što lift jechaŭ nie 40 siekund, a 40 chvilin. Tamu što hetyja pieramovy vialisia vielmi žorstka i składana. Nie było nijakaj uzajemnaj simpatyi. I raptam prezident Pucin pavaročvajecca da mianie i kaža: «Čaho jana na mianie ŭvieś čas honić?», — raspavioŭ Ušackas.
Jon udakładniŭ u Pucina, pra kaho idzie havorka. Toj rastłumačyŭ, što maje na ŭvazie prezidenta Litvy Dalu Hrybaŭskajcie.
«Ja jamu kažu, nu jak na vas nie hnać, kali vy tut pahražajecie Ukrainie, pahražajecie Litvie, uviali ŭžo sankcyi ŭ dačynieńni da litoŭskaha ekspartu, sielskahaspadarčaj pradukcyi. My pavinny na heta adkazać, što nam jašče rabić?», — rastłumačyŭ pasoł. Ušackas dadaŭ, što zatym jany z Pucinym praciahvali razmovu da pačatku pres-kanfierencyi.
Pasoł Jeŭrasajuza ŭ Rasii Vihaŭdas Ušackas ad śniežnia 2008 hoda da lutaha 2010 hoda zajmaŭ pasadu ministra zamiežnych spraŭ Litvy.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary