Kamandujučy siłami ZŠA ŭ Jeŭropie hienierał-lejtenant Ben Chodžes zaklikaŭ jeŭrapiejskija krainy damovicca ab śpiecyjalnych transpartnych i pamiežnych praviłach dziela spraščeńnia pieramiaščeńnia sił NATA, paviedamlaje Associated Press.
Na dumku hienierała, heta nieabchodna dla strymlivańnia krainami NATA patencyjnych ahresaraŭ, takich jak Rasija. «[Siły] aljansu pavinny być zdolnyja ruchacca chutčej, čym siły Rasijskaj Fiederacyi, kali my chočam, kab naša zdolnaść da strymlivańnia była efiektyŭnaj», — zajaviŭ Chodžes.
Jon udakładniŭ, što kamandavańnie NATA choča viedać, jak jano moža «atrymać hetuju chutkaść u ramkach isnujučych mirnych praviłaŭ dla pieramiaščeńnia pa aŭtamahistralach, žaleznym darohach i hetak dalej».
Dla vyrašeńnia prablemy hienierał prapanavaŭ stvaryć «vajenny Šenhien» pa anałohii z Šenhienskaj zonaj, kudy ŭvachodziać 26 krain Jeŭropy i ŭnutry jakoj ludzi i tavary mohuć pierasiakać miežy biez pravierak.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić23
Kamientary