Prezident Ukrainy Piatro Parašenka padpisaŭ pryniatyja Viarchoŭnaj Radaj zakony ab piensijnaj reformie. Pra heta paviedamiŭ na svajoj staroncy ŭ fejsbuku staršynia ŭrada Uładzimir Hrojsman.
Jon adznačyŭ, što ŭsie ŭkrainskija piensijaniery ŭ kastryčniku atrymajuć «novyja pavialičanyja piensii». Napiaredadni jon zajaviŭ, što za hetaje rašeńnie prahałasavali 288 narodnych deputataŭ.
U pačatku tydnia Rada bolšaściu hałasoŭ pryniała prajekt piensijnaj reformy. Minimalnaja piensija ŭ krainie zaraz pavinna pavysicca na 140 hryŭniaŭ (10 rubloŭ). Ahulnaja suma minimalnaj piensii pavinna skłaści 1452 hryŭniaŭ (106 rubloŭ u ekvivalencie).
Adnak zaraz pavinien pavysicca i patrabavany dla vychadu na piensiju ŭ 60 hadoŭ staž (da 2028 hoda jon pavinien padniacca na 20 hadoŭ — z 15 da 35).
Buduć admienieny śpiecyjalnyja piensii dla dziaržaŭnych słužačych, sudździaŭ, navukoŭcaŭ i inšych katehoryj hramadzian.
Paśla hetaha Parašenka na svajoj staroncy ŭ fejsbuku pavinšavaŭ Ukrainu z pryniaćciem novaha zakonaprajekta.
U kancy vieraśnia Mižnarodny valutny fond (MVF) nazvaŭ adnym z asnoŭnych umoŭ dla supracoŭnictva z Ukrainaj praviadzieńnie tam piensijnaj reformy. U krasaviku fond zapatrabavaŭ ad Kijeva skaracić deficyt piensijnaha fondu i pavysić piensijny ŭzrost va Ukrainie.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary