Suzasnavalnik Apple Styŭ Vaźniak raspavioŭ, jakija technałohii dakładna vymruć
7 kastryčnika na Fiestyvali navuki ŭ Maskoŭskim dziaržaŭnym univiersitecie vystupiŭ suzasnavalnik kampanii Apple Styŭ Vaźniak.
U pryvatnaści, adkazvajučy na pytańnie «Što b vy paraili maładym ludziam, jakija tolki vybirajuć svoj šlach?», Vaźniak daŭ nastupny adkaz:
«Ciapier davoli ciažka pradkazać, što dakładna budzie raźvivacca ŭ budučyni, ale zatoje całkam mahčyma pradkazać, što vymre. Voś, naprykład, miechanika dakładna sychodzić u minułaje.
Mnie jak inžynieru absalutna jasna, što ni na jakija inšyja płaniety my nie palacim. Ja čałaviek realistyčny — viedaju, što mahčyma, a što nie.
Mnie zrazumieła taksama, što ludzi nikoli nie buduć nieśmiarotnymi. Ale heta nie admaŭlaje taho faktu, što čałaviečaje žyćcio budzie jašče padoŭžanaje. Ja časta dumaju pra śmierć i mahu skazać, što nieŭmiručaści ja b sabie nie pažadaŭ. I naohuł, ja zadavoleny tym, što Haspodź mnie adpuściŭ.
Ja duža vieru ŭ maładych, ja pierakanany, što mienavita dzieciam treba davać samyja novyja, mahutnyja kampjutary, a nie staryja, jak heta časam robiać baćki. I kali b ja zmoh sabie dazvolić sapraŭdnuju achviaru, to staŭ by nastaŭnikam. Ja ž i byŭ nastaŭnikam! Ja vykładaŭ školnikam siarednich kłasaŭ vosiem hadoŭ zapar, pa siem dzion na tydzień.
Ja chacieŭ by pažadać maładym ludziam uziać sabie za metu być najlepšymi ŭ śviecie. Dla hetaha treba spačatku prosta stać lepš za svaich kaleh. I jašče ja chacieŭ by, kab maładyja ludzi razumieli: ideja moža być vydatnaj, navat kali jana nie prynosić hrošaj».
Darečy, Vaźniak raspavioŭ i pra niečakanyja vyniki, jakija jon naziraje paśla stvareńnia smartfona:
«Niekali ja i praŭda dumaŭ, što, kali zrabić žyćcio ludziej bolš prostym, heta pryniasie im ščaście. Jany stanuć mienš pracavać. Adnak jany stali pracavać navat bolš, — zaraz siamju pavinny ŭtrymlivać dva čałavieki, a nie adzin. Ja dumaju, što, kali paraŭnać nas ź pieršabytnymi ludźmi pa ŭzroŭni ščaścia, budzie prykładna adnoje i toje ž.
Kaliści my sa Styvam Džobsam maryli stvaryć hadžet, jaki zrobić nieviduščych ludziej viduščymi. Ale ciapier, kali ja ŭvachodžu ŭ mietro i baču, što ŭsie siadziać, utknuŭšysia ŭ svaje telefony, — razumieju, što my zrabili ŭsich viduščych ludziej biazvokimi».
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary