Internet zachłamleny, i jaho varta filtravać. Pra heta raspavioŭ patryjarch Maskoŭski i ŭsiaje Rusi Kirył studentam, adkryvajučy moładzievy kamunikatyŭny forum u maskoŭskim Sacyjalnym univiersitecie (RDSU), paviedamlaje VVS.
«Siońnia kožny čałaviek moža vykarystoŭvać internet dla raspaŭsiudžvańnia svajho ŭpłyvu. Heta nakładvaje na čałavieka vielizarnuju adkaznaść», — pieraściaroh studentaŭ patryjarch.
Jon skazaŭ, što i sam časam čytaje dyskusii ŭ sacyjalnych sietkach. «Časam čytaju zvodki, jakija mnie prynosiać, skryhočučy zubami. U hetaj infarmacyjnaj prastory vielmi šmat zachłamlenaści. Chłam — jon dezaryjentuje», — raspavioŭ patryjarch. «My viedajem, jak ludzi kančajuć žyćcio samahubstvam, tamu što pahłynajucca hetym chłamam, zadychajucca ad chłamu i stanoviacca niazdolnymi da supracivu. Nu a što ž rabić, kab nas nie zachlisnuła usia hetaja stychija? Treba stavić filtr», — vydaŭ svaju rekamiendacyju Kirył.
«Kali my budziem udzielničać u infarmacyjnym žyćci hramadstva, imknučysia nieści dobraje słova i padtrymlivajučy jaho ŭłasnym žyćciom, to ja pierakanany, što my pieramožam. Tamu što Chrystos pieramoh», — skončyŭ svoj vystup patryjarch.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary