Minski rok-hurt Re1ikt prezientavaŭ muzyčnaje videa na trek «Pra čornyja vočy».
Klip źniaty admysłova da kampazicyi, stvoranaj pa apaviadańni represavanaha ŭ 1937 hodzie biełaruskaha piśmieńnika Michasia Zareckaha ŭ ramkach mastackaha prajekta internet-partała TuzinFM «(Nie)rasstralanaja paezija», piša tut.by.
U kadry možna ŭbačyć unikalnyja archiŭnyja dakumienty, źviazanyja z asobaju samoha Zareckaha: staryja fatahrafii, malunki knižnych vokładak, daviedku ab reabilitacyi.
— My nie chacieli rabić niejkuju pastanoŭku, zdymać ramantyčnuju historyju, a vyrašyli prademanstravać śviedčańni žyćcia piśmieńnikaŭ, vykraślenych z pamiaci ludziej: što vydavalisia knihi, što ludzi zachaplalisia hetaj litaraturaj, — kaža lidar hurta Re1ikt bubnač Alaksandr Dziemidzienka.
Doŭhi čas Michaś Zarecki — aŭtar šerahu psichałahična apaviadańniaŭ, pjes, apovieści «Hoły źvier», ramanaŭ «Ściežki-darožki» i «Viaźmo» — zastavaŭsia sapraŭdnym litaraturnym pryvidam. Mnohija rukapisy Zareckaha zahinuli, u pryvatnaści histaryčnaja drama «Rahnieda» i praciah ramana «Kryvičy». Pa hetaj pryčynie muzykam navat pryjšłosia źviartacca ŭ archiŭ, kab znajści choć by niejkija materyjały. Miž tym, u dvaccatyja hady minułaha stahodździa Zarecki byŭ litaraturnaj zorkaj — jaho tvory karystalisia vialikim popytam, a vostryja vystupy ŭ presie žyva abmiarkoŭvalisia.
Kancertnaja prezientacyja prajekta «(Nie)rasstralanaja paezija», u jakim razam z Re1ikt paŭdzielničali hurty Vuraj, TonqiXod, Dzieciuki, Akute, Naka, a taksama Vinsent, Kaciaryna Vadanosava, Źmicier Vajciuškievič, Pavieł Arakielan, Lavon Volski, adbudziecca ŭ staličnym kłubie «Bruhie «29 kastryčnika.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva13
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary