Nieviadomy mužčyna učora ŭviečary padpaliŭ siabie pierad budynkam Pałaca kultury i navuki ŭ Varšavie. Na miesca zdareńnia pryjechali pažarnyja i chutkaja dapamoha, jakaja ŭ krytyčnym stanie zabrała mužčynu ŭ balnicu, paviedamlaje Radyjo Polšča.
Jak paviedamlajuć ŚMI, praz samapadpał mužčyna vykazaŭ pratest suprać kirujučaj u Polščy partyi «Prava i spraviadlivaść» i jaje lidara Jarasłava Kačyńskaha.
Pierad tym, jak padpalić, mužčyna abliŭ siabie haručaj vadkaściu. Akramia taho, jon pakinuŭ list, jaki zaklikaŭ raspaŭsiudžvać.
Siarod inšaha, u liście napisana, što jaho kroŭ na rukach pradstaŭnikoŭ kirujučaj partyi. U śpisie, suprać čaho pratestuje mužčyna, akazałasia abmiežavańnie hramadzianskich pravoŭ i svabod, parušeńnie pryncypaŭ demakratyi, nievykanańnie Kanstytucyi, źniščeńnie pryrody i vysiečka lasoŭ u Biełaviežskaj puščy, zaniaćcie ŭsich mahčymych pasad ludźmi kirujučaj partyi, varožaje staŭleńnie da mienšaściaŭ, u tym liku da imihrantaŭ i pradstaŭnikoŭ ŁHBT-supolnaści i inšyja.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary