Biełaruś imkniecca pravodzić sapraŭdy niezaležnuju palityku. Pra heta ministr zamiežnych spraŭ Biełarusi Uładzimir Makiej zajaviŭ u intervju Financial Times, piša BIEŁTA.
«My nie chočam zaležać ad kaho b tam ni było — Vašynhtona, Brusela ci Maskvy. My ŭsiaho tolki chočam pravodzić sapraŭdy niezaležnuju palityku. U hetym kantekście našym intaresam adpaviadaje dyviersifikacyja handlova-ekanamičnych adnosin, i ES hraje važnuju rolu ŭ našych płanach», — zajaviŭ ministr.
Jon adznačyŭ, što va ŭmovach suśvietnaha finansavaha kryzisu takim dziaržavam, jak Biełaruś, nieabchodna vybudoŭvać ekanamičnyja adnosiny z mnohimi krainami. Ministr kanstatavaŭ, što naroščvańnie handlova-ekanamičnaha ŭzajemadziejańnia ź ES dazvolić Biełarusi ŭmacavać svaju palityčnuju niezaležnaść.
U dačynieńni da dyjałohu ź ES pa roznaj tematycy, Uładzimir Makiej padkreśliŭ hatoŭnaść abmiarkoŭvać ź jeŭrapiejskimi partniorami ŭ tym liku adčuvalnyja pytańni. Adnačasova jon adznačyŭ važnaść pastupalnaha i evalucyjnaha padychodu da tych ci inšych transfarmacyj.
«Vidavočna, što niemahčyma» zasnuć «u tatalitarnym Savieckim Sajuzie i «pračnucca» ŭ stopracentna demakratyčnaj dziaržavie. Heta nierealna», - zaŭvažyŭ Uładzimir Makiej.
Jon taksama padkreśliŭ, što Rasija, biezumoŭna, zastajecca stratehičnym partnioram Biełarusi. Kažučy ab aściarohach, jakija vykazvalisia ŭ suviazi ź minułymi vajskovymi vučeńniami «Zachad-2017», ministr vykazaŭ mierkavańnie, što «šumicha vakoł ich była absalutna štučnaj».
«My nie niasiem pahrozu ni našym susiedziam, ni inšym krainam», - skazaŭ jon.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary