Biełaruś i Rasija majuć pačać uzajemna pryznavać vizy da kanca hodu
Pahadnieńnie ab uzajemnym pryznańni vizaŭ pamiž Biełaruśsiu i Rasiejaj moža być padpisana da kanca hodu. Ale jano budzie tyčycca tolki tych dziaržaŭ, ź jakimi ŭ Biełarusi i Rasiei adnolkavy vizavy režym, paviedamlaje Radyjo Svaboda.
Tyja ž inšaziemcy z 80 krainaŭ śvietu, što naviedvajuć Biełaruś zhodna z praviłami 5-dzionnaha biaźvizavaha režymu, pajechać u Rasiju ad nas pa-raniejšamu nie zmohuć.
Načalnik Departamentu hramadzianstva i mihracyi MUS Biełarusi Alaksiej Biahun paviedamiŭ što siońnia adbyŭsia čarhovy raŭnd kansultacyjaŭ, praca nad pahadnieńniem ab uzajemnym pryznańni vizaŭ pamiž Biełaruśsiu i Rasijaj idzie, i całkam realna, što jano budzie padpisana da kanca 2017 hodu.
Alaksiej Biahun paćvierdziŭ, što 13—14 listapada ŭ Maskvie ministry zamiežnych spraŭ Biełarusi i Rasiei Ŭładzimier Makiej i Siarhiej Łaŭroŭ abmiarkujuć hetuju temu, pytańnie taksama budzie vyniesiena na sumiesnuju kalehiju zamiežnapalityčnych viedamstvaŭ.
Ale Biełaruś i Rasieja majuć pryncypova roznyja vizavyja dačynieńni sa šmat jakimi dziaržavami. Da prykładu, z Hruzijaj i z Turcyjaj u Biełarusi biaźvizavy režym, a ŭ Rasii — vizavy.
«Kali biaźvizavy režym ujezdu i na terytoryju Biełarusi, i na terytoryju Rasii, inšaziemiec moža pryjechać i ŭ adnu, i ŭ druhuju krainu bieź vizy. Kali adnolkavy vizavy režym, to pry najaŭnaści adnoj vizy (biełaruskaj albo rasiejskaj) zamiežny hramadzianin moža naviedać abiedźvie krainy pavodle pahadnieńnia ab uzajemnym pryznańni vizaŭ» - skazaŭ pradstaŭnik MZS Biełarusi.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić10
Kamientary