Top-5 krutych biaspłatnych dadatkaŭ dla adsočvańnia čyrvonych dzion
Kali my bačym, jak niechta dahetul paznačaje svaje cykły ŭ papiarovym kalandaryku ci ŭvohule spadziajecca na pamiać, nam robicca nie pa sabie.
Spraścicie sabie i svaim kachanym žyćcio — spampujcie adzin z hetych dadatkaŭ na smartfon. Jany nie tolki buduć pilna sačyć za mienstruacyjaj, ale i ŭ cełym adkryjuć šmat novaha pra vaš arhanizm.
Flo
My admysłova źmiaścili jaho pieršym u śpisie, bo heta biełaruskaja raspracoŭka. Ideja naležyć IT-pradprymalniku Juryju Hurskamu, jaki byŭ źviazany z prajektami Viaden Media, sport.com, MAPS.ME i Masquerade.
Za realizacyju Flo uzialisia ŭ 2015 hodzie, a siońnia dadatkam karystajucca miljony dziaŭčat i žančyn pa ŭsim śviecie. Pakazčyki spampoŭvańnia Flo — adny z najlepšych. Cikava, što najbolš dadatak spadabaŭsia amierykankam i kanadkam.
Treba skazać, Flo jość za što lubić. Jon nie tolki nahadaje vam, praz kolki dzion pačniecca nastupnaja mienstruacyja, ale i pakaža dni z samaj vysokaj i samaj nizkaj imaviernaściu zaciažaryć. Raskaža, jakaja kantracepcyja najlepšaja, jak lačyć małočnicu, ci možna płavać i ci možna zajmacca seksam padčas miesiačnych. Prapanuje paŭdzielničać u apytankach, budzie raspaviadać pra roznyja asablivaści žanočaha arhanizmu i jak heta źviazana z vašym stanam u kožny kankretny pieryjad.
Vy možacie karystacca i šeraham dadatkovych opcyj: sačyć za apietytam, snom, vahoj, kolkaściu vypitaj vady, vašaj aktyŭnaściu.
Možacie ŭklučyć režym ciažarnaści, tady Flo raźličyć jaje pa tydniach i budzie raspaviadać, što adbyvajecca z vami padčas kožnaha ź ich.
Ale kali vam treba vyklučna kalandar dla adsočvańnia miesiačnych, Flo taksama cudoŭna padydzie. Hety dadatak nie budzie nadakučvać biaskoncymi paviedamleńniami i navinami i moža nahadvać pra siabie raz na miesiac za niekalki dzion da pačatku cykła, vy ŭsio heta možacie vystavić u naładkach. Darečy, na Flo možna pastavić parol.
«Maja»
Raniej — «LoveCycles», a siońnia — «Maja», hety dadatak vizualizavany pad multyplikacyjnaha piersanaža, jaki nie prosta dapamahaje adsočvać pačatak i kaniec cykłu, zatrymki, fiertylnyja i biaśpiečnyja fazy, ale i daje parady na kožny dzień. Naprykład, jak źniać bol ci palepšyć svoj nastroj siońnia, kali imaviernaść zaciažaryć najvyšejšaja. Abo jak raźličyć bazalnuju tempieraturu cieła i inšaje.
Kali vy nie majecie prablem sa zdaroŭjem, dadatak pracuje jak hadzińnik: jon papiaredzić vas, što zaŭtra treba ŭziać z saboj tampon ci prakładku. Akramia taho, dostup da svajho akaŭnta vy možacie dać svajmu partnioru — tady jon zahadzia budzie viedać, čamu siońnia ŭ vas taki drenny nastroj, bo na jaho telefon pryjdzie śpiecyjalnaje paviedamleńnie.
Clue
Mnohich karystalnic hety dadatak padkupiŭ svaim hiendarna niejtralnym afarmleńniem. Kali bolšaść žanočych kalendaroŭ aformlenyja ŭ čyrvona-ružovych kolerach, z kvietačkami i inšymi mimimišnymi matyvami, to hety — vielmi niejtralny i prosty.
Pieršapačatkovaja rehistracyja u Clue praduhledžvaje adkazy na pytańni, jakija dapamohuć nastroić dadatak pad vas: kolki ciahniecca mienstruacyja, ci byvaje ŭ vas pieradmienstrualny sindrom i hetak dalej.
U naładach možna zadać napaminy pra pačatak nastupnaha cykłu, pra dzień avulacyi i navat nie zabycca zrabić samaahlad hrudziej. Znoŭ ža, Clue moža być dastupny i vam, i vašamu partnioru.
Jak i ŭ «Mai», tut možna sačyć nie tolki za fizičnym, ale i emacyjnym stanam. A taksama zaścierahčy piersanalnyja dadzienyja kodam.
PinkBird
Dadatak možna apisać dvuma słovami: ničoha lišniaha. Moža adsočvać čyrvonyja dni i ŭ cełym kłapacicca pra zdaroŭje: nahadvaje, naprykład, kali varta vypić tabletku, a taksama buduje hrafiki, jakija padkazvajuć, narmalny vaš stan na hety momant ci lepš naviedać hiniekołaha.
«Lubi siabie» — łozunh PinkBird. I jon vydatna ŭ hetym dapamahaje.
Eve
Šykoŭny dadatak, ale anhłamoŭny. Raspracoŭščyki abiacali dadać moŭnyja viersii jašče hod tamu, ale pakul usio pa-staromu. Ź inšaha boku, kali vy chočacie padciahnuć zamiežnuju movu, to možacie zabić dvuch zajcaŭ adnačasova.
Z adroźnieńniaŭ ad papiarednich dadatkaŭ — da Eve pryviazany forum, dzie možna pahłyblać viedy i abmiarkoŭvać ź inšymi dziaŭčatami ŭsie pytańni, źviazanyja sa zdaroŭjem, seksam i adnosinami.
A vy jakimi dadatkami karystajeciesia? Pišycie ŭ kamientarach!
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary