Urad Biełarusi budzie i nadalej usialak padtrymlivać pradprymalnictva.
Pra heta zajaviŭ premjer-ministr Biełarusi Andrej Kabiakoŭ siońnia na adkryćci VII Mižnarodnaha forumu pradprymalnictva, jaki prachodzić u ramkach Suśvietnaha tydnia pradprymalnictva ŭ Biełarusi, paviedamlaje BiełTA.
«Rola pradprymalnictva ŭ nacyjanalnaj ekanomicy, stvareńni novych pracoŭnych miescaŭ i ŭstojlivym sacyjalnym raźvićci vysokaja. Hety siehmient ekanomiki zdolny chutka reahavać na źmienlivyja ŭmovy rynku, hienieravać i ŭ karotki termin ŭvasablać inavacyjnyja idei ŭ realnyja prajekty, zajmać novyja nišy na rynkach tavaraŭ i pasłuh, pašyrać svaju prysutnaść na zamiežnych rynkach», — skazaŭ Andrej Kabiakoŭ.
Pavodle jaho słoŭ, urad vielmi zacikaŭleny ŭ raźvićci małoha i siaredniaha biznesu. «U hetym siektary pracuje tracina ŭsich zaniatych u ekanomicy. Heta ŭžo niamała. Ale patencyjał dla dalejšaha raźvićcia i rostu vielizarny, i my majem namier jaho vykarystoŭvać», - adznačyŭ Andrej Kabiakoŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary