Eks-nardep ukrainskaj «Svabody» Ihar Mirašničenka zaklikaŭ uvieści vizavy režym ź Biełaruśsiu z-za taho, što našaja kraina maje adkrytuju miažu z Rasijaj i supolnyja vajskovyja intaresy ź joj, a taksama stvaryć dyviersijna-vyviedvalnyja hrupy na biełaruskaj terytoryi. Pra heta Mirašničenka zajaviŭ u efiry telekanała «112 Ukraina».
«Toje, što my havorym na ŭzroŭni dypłamatyi, nie aznačaje, što my identyčna pavinny dziejničać na padpolnym uzroŭni. A pakolki Biełaruś siońnia praktyčna maje ahulnuju miažu i sumiesnyja vajennyja intaresy z RF, to, kažučy pra toje, što treba ŭžyvać vizavy režym z Rasiejaj, my pavinny havaryć pra toje samaje i ŭ adnosinach da Biełarusi», — zajaviŭ Mirašničenka.
Mirašničenka dadaŭ, što Ukraina pavinna pravodzić dziejnaść dyviersijna-vyviedvalnych hrup u Biełarusi, kab vyrvać krainu sa śfiery ŭpłyvu RF.
«Dypłamatyja pavinna prytrymlivacca zdarovaha hłuzdu, a my pavinny dakładna razumieć, što minski praces, jahony scenar pišacca nie va ŭkrainskich intaresach, hetak ža i miesca praviadzieńnia hetych pieramovaŭ — de-fakta varožaj terytoryi. My pavinny rabić usio dla taho, kab vyrvać Biełaruś z haryzontu, ź śfiery ŭpłyvu RF. Dypłamaty pavinny rabić heta na svaim uzroŭni roznymi sposabami, ale pavinny dakładna razumieć, što biez, i ja ščyra i surjozna kažu, biez stvareńnia surjoznych dyviersijna-vyviedvalnych hrup i praviadzieńnia dyviersij na terytoryi, u tym liku infarmacyjnaj, Biełarusi, RF, my hetaha nie dabjemsia», — zajaviŭ Mirašničenka.
Na ŭkrainskaj palityčnaj scenie Ihar Mirašničenka ličycca pradstaŭnikom radykalna pravych sił. 10 śniežnia 2012 hodu doktar fiłasofskich navuk, prafiesar, kiraŭnik Sumskaj haradskoj arhanizacyi VA «Svaboda» Ivan Mazhavy pakinuŭ partyju «Svaboda» ŭ znak pratestu suprać siabroŭstva ŭ joj Mirašničenki.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m28
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary