Hatujem z «Susiedziami»: dva VIDEArecepty haračych i chałodnych buterbrodaŭ
Na pierakus, śniadanak i navat na viačeru — buterbrody mohuć stać pałačkaj-vyručałačkaj u vypadkach, kali treba chutka prahnać hoład. Tym bolš daŭno dakazana, što «buciki» mohuć być nie tolki smačnymi, ale i karysnymi: pry pravilnym vybary inhredyjentaŭ ich navat možna adnieści da zdarovaha charčavańnia.
Prapanujem vam dva smačnyja recepty sandvičaŭ (smakavyja jakaści pravieranyja na sabie).
Varyjant № 1: Haračyja buterbrody z macarełaj
Vam spatrebiacca:
- Tamaty, 3 štuki;
- Chleb dla buterbrodaŭ, 3 štuki;
- Macareła, 200 hramaŭ*;
- Aliŭki, 200 hramaŭ*;
- Aliŭkavy alej, niekalki stałovych łyžak;
- Bazilik, sol, i pierac na smak.
Raspačynajem hatavańnie.
Parežcie pamidory kružočkami. Chleb dla buterbrodaŭ padzialicie na dźvie častki, paśla krychu prymnicie miakiš videlcam i spyrśnicie jaho aliŭkavym alejem. Zdrabnicie macarełu i aliŭki. Zatym usie inhredyjenty vykładvajcie na chleb (možna ŭ toj paśladoŭnaści, jak vam chočacca, ale my raim pačać z syru — tady jon lepš raspłavicca i addaść svoj miakki smak chlebu). Pierad tym, jak adpraŭlać buterbrody ŭ duchoŭku (ci mikrachvaloŭku), znoŭ spyrśnicie ich alejem i pasypcie bazilikam, piercam i sollu. Zapiakajcie 10 chvilinak.
Łajfchak: asabliva dobra takija buterbrody zasvojvajucca pad haračuju harbatu*.
Varyjant № 2: Tartaletki ź piečańniu traski
Vam spatrebiacca:
- Hatovyja tartaletki, 16 štuk;
- Piečań traski, 1 słoik;
- Kansiervavany harošak, 1 słoik*;
- Marynavanyja ahurki, 5 štuk;
- Kurynyja jajki, 4 štuki;
- Majanez, 1-2 stałovych łyžki*;
- Śviežy krop;
- Sol, pierac — da hustu.
Pajechali!
Pastaŭcie varycca jajki ŭkrutuju. Pakul jany hatujucca, źlicie lišniuju vadkaść sa słoikaŭ z traskoj i haroškam. Piečań parežcie na kubiki. Astudzicie varanyja jajki, pačyścicie ich i taksama zdrabnicie. Na miełkija skryliki parežcie ahurki, pašatkujcie krop. U sałatniku źmiašajcie ŭsie padrychtavanyja inhredyjenty: piečań traski, jajki, ahurki, zielaninu i harošak. Zapraŭcie atrymanuju sałatu majanezam, dadajcie sol, pierac i ŭsie heta pieramiašajcie. Ciapier vam zastajecca tolki raskłaści masu,što atrymałasia, pa tartaletkach.
Smačna jeści!
*Nabyvajučy dadzienyja tavary ŭ kramach «Susiedzi» 24 listapada, u čornuju piatnicu, vy majecie mahčymaść viarnuć da 70% cany ŭ «Kupiłku». Na aliŭki ž z 22 listapada dziejničaje surjoznaja źnižka: 1,75 zamiest 2,29 rubloŭ. Majanez «Makoŭski» budzie kaštavać 1,49 zamiest 2,19 rubloŭ.
Kamientary