Kijeŭskaja palicyja zatrymała złačynnuju hrupoŭku, jakaja zajmałasia arhanizacyjaj prodažu orhanaŭ ukrainskich padletkaŭ u Rasiejskaj Fiederacyi, paviedamlaje «Interfaks-Ukraina».
Prakuror Kijeŭskaj vobłaści Dmytro Čybisaŭ zajaviŭ, što złamyśniki praz sacyjalnyja sietki šukali padletkaŭ, hatovych za hrošy stać čornymi donarami.
«My likvidavali kanał niezakonnaj transpłantacyi orhanaŭ. Kijeŭski departamient Nacpalicyi, jaki zmahajecca z handlem ludźmi, vyjšaŭ na hrupu asob, što namahalisia vyvieźci ŭ Maskvu ludziej dla donarstva orhanaŭ», — paviedamiŭ jon.
Pavodle jahonych słovaŭ, troje arhanizataraŭ heta hramadzianie Ukrainy, adzin ź ich raniej asudžany za razboj. Paciarpiełymi byli dzieci — 14, 15 i 16 hod i žančyna — 32 hod. Usim im abiacali pa 30 tysiač dalaraŭ za reziekcyju 5 pracentaŭ masy piečani.
Pavodle prakurora, złamyśnikam abiacali 200 tysiač dalaraŭ za padbor donaraŭ. Suprać padazravanych zaviedzienaja kryminalnaja sprava pavodle artykuła «Handal ludźmi albo inšaje niezakonnaje dziejańnie z udziełam čałavieka».
Pradstaŭnik prakuratury nie ŭdakładniŭ, chto byŭ partnioram arhanizataraŭ padboru donaraŭ z rasijskaha boku, spasłaŭšysia na niaskončanyja jašče śledčyja dziejańni.
Kamientary