Bamžoŭ Ńju-Jorka prapanavali sialić u sotach, što macujucca na šmatpaviarchovikach FOTA
Dyzajnierskaje ahienctva ź Ńju-Jorka prapanavała z rozumam vykarystoŭvać hłuchija ścieny hmachaŭ, zamacoŭvajučy na ich voś takoje padabienstva sotaŭ z pčalinaha vulla, stvoranych na 3D-pryntary, pieratvarajučy ścieny nie tolki ŭ art-abjekt, ale i zabiaśpiečvajučy ich karysnymi funkcyjami. Pa-pieršaje, na soty možna macavać dysplei, stvarajučy modnuju vonkavuju rekłamu, a pa-druhoje, unutry kožnaje kapsuły zmohuć žyć biazdomnyja.
Vonkavy bok modulaŭ prapanujecca abšyć aluminijem, stallu i ŭciaplić, da ściany možna zamacavać kožnuju sotu na śpiecyjalna padrychtavanaje zahadzia ryštavańnie ź leśvičnymi pralotami.
Dziakujučy sučasnym technałohijam 3D-druku, hłuchuju ścianu standartnaha piacipaviarchovaha doma možna ablapić takimi žyłymi «sotami» usiaho za niekalki dzion.
Unutranaje abstalavańnie kožnaj kapsuły taksama prapanujecca drukavać na 3D-pryntary ź pierapracavanych płastykavych adkidaŭ: heta najbolš ekanamičnaje rašeńnie.
Aškleńnie sotaŭ dniom budzie lustranym, nie dazvalajučy bačyć z vulicy toje, što adbyvajecca ŭnutry. Uviečary ž možna budzie pieratvarać jaho ŭ multymiedyjny ekran, tranślujučy rekłamu i zarablajučy takim čynam hrošy.
Nichto pakul nie padumaŭ, ci spadabajecca takaja ideja žycharam tych damoŭ, na ścienach jakich paviesiać hetyja «soty».
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary