Alaksandr Łukašenka prakamientavaŭ situacyju vakoł niemahčymaści dla rasijskich spartoŭcaŭ vystupać na Alimpijadzie ŭ paŭdniovakarejskim Pchienčchanie ŭ 2018 hodzie pad dziaržaŭnym ściaham z-za rašeńnia Mižnarodnaha alimpijskaha kamiteta pra adchileńnie Rasii ad Hulniaŭ.
Adpaviednyja zajavy kiraŭnik dziaržavy zrabiŭ siońnia, razmaŭlajučy z pradstaŭnikami pracoŭnaha kalektyvu AAT «Kamvol», piša BiełTA.
«Mnie ciažka sudzić i kazać pra toje, što adbyłosia. Što my viedajem? My viedajem voś hety hvałt u ŚMI: pakryŭdzili, nakacili, zadušyli i hetak dalej. Pakul niama absalutna spakojnych, uzvažanych razvah. Nie było, prynamsi, da taho, jak prezident Rasii (pravilna, ja liču) zrabiŭ zajavu, — skazaŭ Alaksandr Łukašenka. — Kožny spartsmien, kali jon choča, pavinien pajechać pad lubym ściaham na Alimpijadu. Kali b heta, nie daj boh, zdaryłasia ź biełarusami, ja b pastupiŭ dakładna tak. Ty možaš, heta tvajo žyćcio, jedź i pakazvaj vynik».
«Hetuju prablemu Rasija moža vyrašyć pryhoža, davioŭšy ŭsiamu śvietu, što jana — vialikaja spartyŭnaja dziaržava i ŭ adnosinach da jaje pastupili niespraviadliva, kali rasijskija spartsmieny tudy pajeduć i vyjhrajuć i ŭ snoŭbordzie, i ŭ łyžnych honkach, i ŭ bijatłonie, u šort-treku, i ŭ chakiei. Voś heta budzie samaje jarkaje śviedčańnie, što da Rasii nieabhruntavanyja pretenzii», — zajaviŭ jon.
Kiraŭnik dziaržavy adznačyŭ, što jon nie prychilnik taho padychodu, što ŭsia Rasija faktyčna «optam» pazbaŭlenaja ŭdziełu ŭ Alimpijadzie. «Kožny spartsmien pavinien nieści svaju adkaznaść», — upeŭnieny biełaruski lidar.
Jon padkreśliŭ, što karać treba tolki tady, kali na ŭzroŭni dziaržavy padtrymlivałasia ŭžyvańnie dopinhu. «Ale takoj vysnovy MAK nie zrabiŭ», — zaŭvažyŭ Alaksandr Łukašenka.
«Dumaju, Rasija heta pieražyvie. Treba prosta pajechać i pakazać, što Rasija — mahutnaja spartyŭnaja dziaržava. I ŭsim stanie usio zrazumieła.
A kali pajechać i zaniać apošniaje miesca, tady vy viedajecie, jakoje mierkavańnie budzie… Tamu ŭsio ŭ rukach spartsmienaŭ. Jedź i dakazvaj (čystyja spartsmieny). A ŭsiakija acenki, razvahi i inšaje — hetaja piena schłynie, źjavicca ćviarozaść. Rasija ž sama pryznała, što byli parušeńni. Voś jany tam raźbiarucca i zrobiać adpaviednyja vysnovy», — skazaŭ jon.
«Ja ŭpeŭnieny, što biez Rasii suśvietny sport źbiadnieje. Tamu Rasija ŭsio roŭna budzie ŭ hetym alimpijskim i suśvietnym spartyŭnym ruchu. U hetym ja na 100% pierakanany. Usio ŭ rukach samoj Rasii i, pierš za ŭsio, spartsmienaŭ Rasii», — reziumavaŭ kiraŭnik dziaržavy.
***
Na telehram-kanał «Našaj Nivy» možna padpisacca tut.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary