Аляксандр Лукашэнка пракаментаваў сітуацыю вакол немагчымасці для расійскіх спартоўцаў выступаць на Алімпіядзе ў паўднёвакарэйскім Пхенчхане ў 2018 годзе пад дзяржаўным сцягам з-за рашэння Міжнароднага алімпійскага камітэта пра адхіленне Расіі ад Гульняў.
Адпаведныя заявы кіраўнік дзяржавы зрабіў сёння, размаўляючы з прадстаўнікамі працоўнага калектыву ААТ «Камволь», піша БелТА.
«Мне цяжка судзіць і казаць пра тое, што адбылося. Што мы ведаем? Мы ведаем вось гэты гвалт у СМІ: пакрыўдзілі, накацілі, задушылі і гэтак далей. Пакуль няма абсалютна спакойных, узважаных разваг. Не было, прынамсі, да таго, як прэзідэнт Расіі (правільна, я лічу) зрабіў заяву, — сказаў Аляксандр Лукашэнка. — Кожны спартсмен, калі ён хоча, павінен паехаць пад любым сцягам на Алімпіяду. Калі б гэта, не дай бог, здарылася з беларусамі, я б паступіў дакладна так. Ты можаш, гэта тваё жыццё, едзь і паказвай вынік».
«Гэтую праблему Расія можа вырашыць прыгожа, давёўшы ўсяму свету, што яна — вялікая спартыўная дзяржава і ў адносінах да яе паступілі несправядліва, калі расійскія спартсмены туды паедуць і выйграюць і ў сноўбордзе, і ў лыжных гонках, і ў біятлоне, у шорт-трэку, і ў хакеі. Вось гэта будзе самае яркае сведчанне, што да Расіі неабгрунтаваныя прэтэнзіі», — заявіў ён.
Кіраўнік дзяржавы адзначыў, што ён не прыхільнік таго падыходу, што ўся Расія фактычна «оптам» пазбаўленая ўдзелу ў Алімпіядзе. «Кожны спартсмен павінен несці сваю адказнасць», — упэўнены беларускі лідар.
Ён падкрэсліў, што караць трэба толькі тады, калі на ўзроўні дзяржавы падтрымлівалася ўжыванне допінгу. «Але такой высновы МАК не зрабiў», — заўважыў Аляксандр Лукашэнка.
«Думаю, Расія гэта перажыве. Трэба проста паехаць і паказаць, што Расія — магутная спартыўная дзяржава. І ўсім стане усё зразумела.
А калі паехаць і заняць апошняе месца, тады вы ведаеце, якое меркаванне будзе… Таму ўсё ў руках спартсменаў. Едзь і даказвай (чыстыя спартсмены). А ўсякія ацэнкі, развагі і іншае — гэтая пена схлыне, з'явіцца цвярозасць. Расія ж сама прызнала, што былі парушэнні. Вось яны там разбяруцца і зробяць адпаведныя высновы», — сказаў ён.
«Я ўпэўнены, што без Расіі сусветны спорт збяднее. Таму Расія ўсё роўна будзе ў гэтым алімпійскім і сусветным спартыўным руху. У гэтым я на 100% перакананы. Усё ў руках самой Расіі і, перш за ўсё, спартсменаў Расіі», — рэзюмаваў кіраўнік дзяржавы.
***
На тэлеграм-канал «Нашай Нівы» можна падпісацца тут.
-
Мінскае «Дынама» не змагло ўчора вылецець у Сочы і засталося ў Ніжнім Ноўгарадзе з-за пагрозы беспілотнікаў
-
У Турцыі падчас футбольнага матча мяч трапіў у чайку. Але загінуць птушцы не далі
-
Спецпрадстаўнік Пуціна пра фінал Алімпіяды: Зборная ЗША перамагла свой будучы 52‑і штат. Адзін з апошніх хакейных матчаў паміж ЗША і Канадай
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»22
Каментары