Pahruzčyk sutyknuŭsia z vazkom junibusa ŭ Puchavickim rajonie, paviedamiła aficyjny pradstaŭnik upraŭleńnia Dziaržaŭnaha kamiteta sudovych ekśpiertyz pa Minskaj vobłaści Vieranika Barkoŭskaja.
DTZ adbyłosia napiaredadni. Kiroŭca pahruzčyka ruchaŭsia pa hravijnaj darozie, dzie ŭ hety čas adbyvalisia vyprabavańni novaha vidu transpartu. U niejki momant šlachi ruchu transpartnych srodkaŭ pierasieklisia, adbyłosia sutyknieńnie. U pahruzčyka adarvała kabinu, a kiroŭca, jaki znachodziŭsia ŭ joj, atrymaŭ traŭmy i pierałomy.
«Ciapier kiroŭca pahruzčyka znachodzicca ŭ reanimacyi, za jaho žyćcio zmahajucca ŭračy. Śpiecyjalist upraŭleńnia Dziaržkamiteta sudekśpiertyz pa Minskaj vobłaści pravioŭ fiksacyju paškodžańniaŭ transpartnych srodkaŭ i śladoŭ pahruzčyka na hruncie, vyšyni raźmiaščeńnia junibusa nad ziamloj, a taksama jaho raźmiaščeńnie adnosna vyšyni pahruzčyka, što ŭ dalejšym dapamoža adnavić karcinu zdareńnia», — adznačyła Vieranika Barkoŭskaja.
Stvaralniki junibusa havorać pra jaho jak pra «transpart budučyni». Heta zamacavanyja na aporach zvyštryvałyja rejki, pa jakich u padviešanym stanie nad ziamloj pieramiaščajucca vazki z pasažyrami.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary