Łukašenka padpisaŭ ukaz ab zadačach raźvićcia Biełarusi na 2018 hod
Ukazam ustanaŭlivajecca pieralik važniejšych paramietraŭ, jakija źjaŭlajucca klučavymi pakazčykami efiektyŭnaści raboty ŭrada i Nacyjanalnaha banka.
Prahnazujecca, što VUP u 2018 hodzie vyraście na 3,5%, ekspart tavaraŭ i pasłuh - na 5,7%. Nacbanku i ŭradu daručana pryniać nieabchodnyja miery pa abmiežavańni u 2018 hodzie rostu cenaŭ nie bolš čym na 6%.
Taksama Łukašenka padpisaŭ ukaz «Ab zaćviardžeńni Asnoŭnych napramkaŭ hrašova-kredytnaj palityki na 2018 hod».
U 2018 hodzie pradoŭžycca praviadzieńnie hrašova-kredytnaj palityki ŭ režymie manietarnaha tarhietavańnia. Jaje pramiežkavym aryjenciram zastaniecca šyrokaja hrašovaja masa. Pryrost siaredniaj šyrokaj hrašovaj masy prahnazujecca na ŭzroŭni 9-12% (śniežań 2018 da śniežnia 2017 hoda).
Z ulikam pahašeńnia uradam i Nacbankam unutranych i źniešnich abaviazacielstvaŭ u zamiežnaj valucie mižnarodnyja reziervovyja aktyvy na kaniec 2018 hoda składuć nie mienš jak $ 6 młrd.
U 2018 hodzie zachavajecca ahulnaja nakiravanaść na libieralizacyju valutnaj sistemy pa miery farmiravańnia adpaviednych spryjalnych umoŭ. Pradoŭžycca realizacyja mier pa źnižeńni ŭzroŭniu dałaryzacyi ekanomiki.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary