Zvyšchutki aŭtamabil, u kosmas za hrošy, pryziamleńnie na asteroidy — jakija praryvy ŭ navucy i technicy čakajucca ŭ 2018-m

Ad novych etapaŭ prahramy kamiercyjnaha asvajeńnia kosmasu da supiermašynaŭ z rakietnymi ruchavikami — heta tolki častka hrandyjoznych praryvaŭ u navucy i technicy, jakija my možam ubačyć užo ŭ najbližejšyja 12 miesiacaŭ.

Bi-bi-si vybrała hałoŭnyja navukovyja siensacyi, jakija mohuć zdarycca ŭ hety pieryjad.

Internacyjanalny kosmas

Na 2018 hod važnyja kaśmičnyja zapuski zapłanavany ŭ cełym šerahu krain, što tolki ŭ čarhovy raz dakazvaje mižnarodnuju pryrodu sučasnych kaśmičnych daśledavańniaŭ. Naprykład, čakajecca zapusk indyjskaj mižpłanietnaj stancyi «Čandrajan-2» dla daśledavańnia pavierchni Miesiaca.

U adroźnieńnie ad kaśmičnaha zonda «Čandrajan-1», zapuščanaha ŭ 2008 hodzie, novy aparat pavinien ździejśnić miakkuju pasadku na Miesiac i daśledavać jaje z dapamohaj miesiacachoda. Zapusk karabla płanujecca pravieści ŭ sakaviku z Kaśmičnaha centra imia Saciša Dchavana ŭ štacie Andchra-Pradeš.

U mai NASA maje namier zapuścić misiju InSight pa daśledavańni Marsa. Śpiecyjalny zond pavinien budzie praniknuć hłyboka ŭ toŭšču marsijanskaha hruntu, kab my mahli lepš zrazumieć historyju farmiravańnia hetaj płaniety. Aparat taksama pavinien praanalizavać tektaničnuju aktyŭnaść na Marsie dla vyvučeńnia ŭnutranaj struktury płaniety.

Pavialičyć

U lipieni kaśmičnaja stancyja «Chajabusa-2» japonskaha ahienctva aerakaśmičnych daśledavańniaŭ (JAXA) pavinna dasiahnuć asteroida (162173) Ruhu i dastavić adtul uzory hruntu.

U 2005 hodzie papiaredniaja viersija «Chajabusy» dasiahnuła asteroida Itakava. Niahledziačy na ciažkaści, što ŭźnikli pry realizacyi toj misii, aparatu ŭdałosia dastavić na Ziamlu niekalki uzoraŭ asteroidnaha hruntu, jakich navukoŭcam chapiła dla daśledavańniaŭ.

Inžyniery ŭdaskanalili aparat «Chajabusa-2», kab jon moh sabrać bolšuju kolkaść hruntu i dastavić na pavierchniu Ruhu niekalki nievialikich spuskalnych aparataŭ.

Adnak Japonija nie adzinaja kraina, jakaja sioleta płanuje pasadku na asteroid.

Aparat OSIRIS-REx, zapuščany NASA ŭ 2016 hodzie, u žniŭni pavinien dasiahnuć abjekta (101955) Bienu. Meta hetaj misii taksama ŭ dastaŭcy na Ziamlu ŭzoraŭ hruntu z asteroida dla navukovaha analizu.

Akramia taho, Jeŭrapiejskaje kaśmičnaje ahienctva (JEKA) sumiesna ź japonskim JAXA pracujuć nad prahramaj pa vyvučeńni najbližejšaj da Sonca płaniety — Mierkuryja. Meta misii BepiColombo — pašyryć viedy ab hetaj płaniecie, sabranyja amierykanskim aparatam Messenger.

U ramkach misii płanujecca zapusk na arbitu Mierkuryja dvuch aparataŭ, jakija buduć pravodzić padrabiaznuju fatazdymku i daśledavać mahnitnaje pole płaniety. Navukoŭcy spadziajucca pravieryć teoryju pra toje, što Mierkuryj składajecca z masiŭnaha žaleznaha jadra, pakrytaha tonkim płastom silikatnaj parody.

Kamiercyjnaja kaśmičnaja honka

Pavialičyć

U 2018 hodzie pavinien adbycca zapusk adnoj z samych mahutnych kaśmičnych rakiet u śviecie — Falcon Heavy, jakuju raspracavała kampanija Iłana Maska SpaceX.

U śniežni Mask apublikavaŭ u «Tvitary» fota vializnaha aparata ŭ Kaśmičnym centry imia Kienedzi ŭ Fłarydzie. Rakieta składajecca z dvuch startavych ruchavikoŭ Falcon 9 i centralnaha ruchavika.

Ahulnaja daŭžynia Falcon Heavy —70 mietraŭ, jana zmoža dastaŭlać na arbitu hruzy vahoj da 57 ton. Jak čakajecca, rakieta stanie lidaram rynku kamiercyjnych zapuskaŭ i dazvolić dastaŭlać astranaŭtaŭ za miežy ziamnoj arbity.

Pryvatnyja kaśmičnyja kampanii mohuć nablizicca da jašče adnoj mety — adpraŭki ekipažaŭ na MKS, adnak pačatak takich zapuskaŭ moža być adkładzieny da 2019 hoda.

Zhodna ź ciapierašnimi płanami, SpaceX i kampanija Boeing pačnuć pieršyja piłatavanyja zapuski ŭ kosmas z terytoryi ZŠA z momantu zakryćcia prahramy šatłaŭ NASA ŭ 2011 hodzie. Z tych časoŭ ZŠA karystalisia rasiejskimi rakietami «Sajuz» dla dastaŭki ekipažaŭ na MKS, što vyklikała niezadavolenaść u amierykanskaj avijakaśmičnaj haliny.

Pavialičyć

Abiedźvie kampanii płanujuć vyprabavać svaje puskavyja sistemy spačatku biez udziełu astranaŭtaŭ, a zatym užo pačać piłatavanyja zapuski. Adnak z ulikam patencyjnych ryzyk dla žyćcia ekipaža nichto nie moža dakładna skazać, kali pačnucca takija paloty.

U vypadku ŭdałaha vyniku vyprabavańniaŭ SpaceX i Boeing mohuć prystupić da padpisańnia kamiercyjnych kantraktaŭ na zapuski astranaŭtaŭ da MKS.

Anałahičnyja płany jość i ŭ NASA, jakoje raspracoŭvaje šmatmetavy piłatavany karabiel «Aryjon», pryznačany dla adpraŭki ludziej za miežy nizkaj ziamnoj arbity. Kali ŭsio pojdzie pa płanie, testavy palot «Aryjona» adbudziecca ŭ 2019 hodzie, a piłatavany zapusk — u 2021 hodzie.

Maksimalnaja chutkaść

Pavialičyć

Uvosień hetaha hoda brytanski zvyšhukavy aŭtamabil Bloodhound moža ŭstalavać novy rekord chutkaści pieramiaščeńnia pa ziamli.

Mašyna z ruchavikom šmatmetavaha źniščalnika Eurofighter Typhoon prajšła vyprabavańni ŭ aeraporcie Njukam-Karnuoł u 2017 hodzie na «cichim» chodzie ŭ 320 km/h.

Na nastupnym etapie płanujecca raźvić chutkaść da 800 km/h — vyprabavańni projduć u kastryčniku ŭ PAR.

Heta mienš, čym užo isnujučy rekord chutkaści ŭ 1228 km/h, adnak, jak čakajecca, paśla inžyniernych dapracovak mašyna zmoža pieravysić i hety pakazčyk u 2019 ci 2020-m.

Finalnaja meta stvaralnikaŭ Bloodhound — pieraadoleć chutkaść ŭ 1610 km/h (1610 km — heta roŭna 1000 mil, u jakich pryniata vymiarać adlehłaść u Brytanii i ZŠA).

• 0
• 0
• 0
• 0
• 0
• 0
• 0
• 0