Supracoŭniki HUUS Minska, Minskaj i Mahiloŭskaj abłaściej, departamientu achovy i častka žaŭnieraŭ unutranych vojsk, jakija buduć zadziejničanyja padčas Jeŭrapiejskich hulniaŭ-2019 u Biełarusi, projduć abaviazkovyja trochmiesiačnyja kursy anhlijskaj movy, paviedamlaje MUS.
Užo zaraz na kursach vučacca 100 milicyjantaŭ — 75 u minskaj Akademii milicyi i 25 — u mahiloŭskim instytucie MUS. Zaniatki pravodziacca dvojčy na tydzień pa dźvie hadziny. Materyjały ŭziatyja miž inšym z rasijskich viedamasnych vydańniaŭ palicyi, što vykarystoŭvalisia pierad Alimpijadaju ŭ Sočy.
Temy, jakija aśviatlajucca ŭ pieršuju čarhu heta «Apisańnie źniešnaści», «Aficyjnaja prezientacyja pradstaŭnika pravaachoŭnych orhanaŭ zamiežnym hramadzianam», «Pravierka dakumientaŭ», «Parušeńnie hramadskaha paradku», «Dopyt padazravanaha i apytańnie śviedki». Usiaho tematyčnych raździełaŭ 25.
Piedahohi, jakija viaduć zaniatki zajaŭlajuć, što asnoŭnaja meta kursu — «matyvavać milicyjantaŭ na samastojnaje vyvučeńnie zamiežnaj movy i pracu nad saboju».
Jeŭrapiejskija hulni projduć u Biełarusi z 21 pa 30 červienia 2019 hoda.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy5
Kamientary