U Minsku źjaviłasia novaje FM-radyjo z efirnymi ŭstaŭkami na biełaruskaj movie
U Minsku na častacie 87,5 FM pačała tranślacyju novaja radyjastancyja «Rełaks».
Pavodle zadumy, u efiry buduć lohkija spakojnyja pieśni, a taksama karotkija ŭstaŭki na biełaruskaj movie: cytaty vialikich ludziej (Marharet Tetčar, Hienry Ford i inšyja), uryŭki z tvoraŭ biełaruskaj i suśvietnaj litaratury, matyvujučyja historyi i prahnoz nadvorja.
U asnovie efiru buduć muzyčnyja tvory ŭ styli zbornikaŭ Romantic Collection. Heta budzie jak i sučasnaja łaŭnž-muzyka, tak i kłasičnyja kampazicyi Frenka Sinatry, Ełvisa Preśli, Eły Ficžerald i inšych.
U kamientary dla «Našaj Nivy» hałoŭny redaktar i hienieralny pradziusar radyjo «Rełaks» Alaksandr Ažynski adznačyŭ, što biełaruskaja mova abranaja niezdarma.
«Pa-pieršaje, u Minsku nievialikaja kolkaść papularnych radyjostancyj pa-biełarusku. Pa-druhoje, my zajmajemsia biznesam. Biełaruskaja mova padkreślivaje našu ŭnikalnaść, ź joj my hučym jarčej. Nu i ruskaja mova, pry ŭsioj pavazie, nie takaja lohkaja i miłahučnaja, jak biełaruskaja. Mienavita lohkaść i miłahučnaść źjaŭlajucca asnoŭnymi słupami našaha radyjo», — adznačyŭ spadar Ažynski.
Novaja radyjostancyja naležyć TAA «Vašaje telebačańnie», jakoje taksama kantraluje radyjo «Jumor FM». Na im taksama efirnyja ŭstaŭki pieravažna biełaruskamoŭnyja.
-
«Dačka dabjecca, kab nichto nie zabaraniaŭ śpiavać jaho pieśni». Adzinaja dačka Aleha Moŭčana biezvynikova zmahajecca ź jaho ŭdavoj za «Malitvu»
-
Paśla patryjatyčnaha paryvu biełarusaŭ u fiłarmonii ŭdava kampazitara Moŭčana zabaraniła ŭsim vykonvać «Malitvu» Janki Kupały
-
Pašynian stvaraje muzyčny hurt
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary