Kapitan BATE Vital Radzivonaŭ aficyjna abviaściŭ pra zaviaršeńnie karjery, paviedamlaje sajt barysaŭskaha kłuba.
U minułym siezonie biełaruskaha čempijanatu ŭ apošnim matčy suprać «Haradziei» mienavita Radzivonaŭ zabiŭ važny hoł na apošnich siekundach, jaki dazvoliŭ BATE znoŭ zavajavać čempijonski tytuł.
«Pryjšoŭ čas abviaścić, što minuły hod staŭ dla mianie apošnim u jakaści futbalista BATE. Chaču skazać dziakuj usim tym, chto znachodziŭsia pobač sa mnoj ciaham usiaho hetaha šlachu, dapamahaŭ mnie, a časam navat stvaraŭ niejkija pieraškody, što tolki dadavała mnie matyvacyi», - adznačajecca ŭ zajavie hulca.
Vital Radzivonaŭ, jakomu 11 śniežnia spoŭniłasia 34 hady, pačynaŭ karjeru ŭ viciebskim «Łakamatyvie-96», zatym hulaŭ za žodzinskaje «Tarpieda». U BATE pierajšoŭ u 2006 hodzie (byŭ taksama pierajezd na niekalki miesiacaŭ u niamiecki «Frajburh»), 11 razoŭ stanaviŭsia čempijonam Biełarusi. Zhulaŭ za BATE 412 matčaŭ, zabiŭ 160 miačoŭ i zrabiŭ 72 halavyja pasy. Vystupaŭ taksama za nacyjanalnuju zbornuju.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary