Prezident ZŠA Donald Tramp prajšoŭ svajo pieršaje płanavaje miedycynskaje abśledavańnie, zajaviŭ aficyjny doktar Biełaha doma Ronald Džeksan. Pra heta paviedamlaje telekanał CBS, jaki apublikavaŭ zapis bryfinhu Džeksana.
Pa słovach doktara, prezidenta abśledavali 12 śpiecyjalistaŭ na praciahu čatyroch hadzin. Pa vynikach abśledavańnia vyśvietliłasia, što kryvianosnaja sistema prezidenta znachodzicca ŭ «vydatnym stanie», kiraŭnik dziaržavy pakazaŭ dobryja razumovyja zdolnaści pa vynikach kahnityŭnaha testu (30 pravilnych adkazaŭ z 30) i adsutnaść psichičnych adchileńniaŭ, a ŭ cełym, zhodna sa słovami miedyka, Tramp vałodaje «cudoŭnymi hienami». «Takim jaho stvaryŭ Boh», — kanstatavaŭ Džeksan.
Doktar dadaŭ, što pa paramietrach zdaroŭja Tramp «absalutna padychodzić dla svajoj pracy». U toj ža čas Džeksan adznačyŭ, što prezident prymaje srodak ad vypadzieńnia vałasoŭ, leki, što panižajuć uzrovień chalesterynu, a taksama vykarystoŭvaje krem ad vuhroŭ. Lekar zaklučyŭ, što Trampu varta panizić uzrovień chalesterynu ŭ kryvi i skinuć lišniuju vahu.
Da prezidenctva Trampa Ronald Džeksan byŭ hałoŭnym doktaram Biełaha doma pry Džordžu Bušu-małodšym i Baraku Abamie.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary