Biełaruska kliča na viasielle zorku «Univiera», jaki za vajnu. Uprehsia ŭvieś Threads
Zorka sieryjała «Univier» Stanisłaŭ Jarušyn časta byvaje ŭ Minsku, bo jon adzin z nastaŭnikaŭ telešou «Faktor.by». Dniami jon znoŭ pryjazdžaŭ u Biełaruś — z taho času Threads nie zacichaje.
Jarušyn staŭ viadomy pa roli ŭ sieryjale «Univier», jaki ŭpieršyniu vyjšaŭ na ekrany ŭ 2011-m. Paźniej, u 2016-m, Stanisłaŭ pajšoŭ u vakał — vyjšaŭ jaho pieršy albom, da jakich paźniej dadalisia jašče dva. Jarušyn taksama viadzie chakiejnaje telešou na rasijskim «Matč TV».
Svaju pazicyju pa vajnie, jak i svaje talenty, Jarušyn taksama nie chavaje. Jon krytykavaŭ rasijan, jakija pakinuli krainu paśla pačatku ŭvarvańnia va Ukrainu, a taksama prasiŭ dasyłać spalnyja miaški mabilizavanym rasijanam.
Ciapier Jarušyn — adzin z nastaŭnikaŭ «Faktar.by». Jon časta pryjazdžaje ŭ Minsk na zdymki. I niadaŭna jaho zaprasili na važnuju padzieju, pryčym, miarkujučy pa dopisie Jarušyna ŭ Threads, jon i sam heta nie zaŭvažyŭ:
«Chłopcy, što za viasielle? Što adbyvajecca? Čamu ja pavinien być na niejkim viasielli?»
U kamientarach Jarušynu patłumačyli, što varta zazirnuć u jaho minuły post. Tam rasijanin paviedamiŭ, što znachodzicca ŭ Minsku, i ŭ kamientarach dziaŭčyna zaprasiła jaho na svajo viasielle.
Toj kamientar nabraŭ bolš za 30 tysiač łajkaŭ, dziaŭčyna dadała anałahičny kamientar pad jašče adnym pastom. Karystalniki Threads kinulisia padhavorvać Jarušyna, kab jon usio ž zavitaŭ na viasielle — takich kamientaroŭ sotni:
«Stas, usia Biełaruś čakaje vas na viasielli».
«Niama času tłumačyć. Prosta źjavisia, kali łaska. Na luboje zaraz zazirni, i ŭsio. Treba, Stas».
«Vas zaprasili. Pa zvyčajach našaj krainy admaŭlacca nielha. Navat prezident pryjazdžaje, kali jaho kličuć».
Dziaŭčynu, jakaja zładziła hety fłešmob, kličuć Lizavieta, i miarkujučy pa ŭsim, jana daŭno płanavała zaprasić na viasielle kahości viadomaha. U lutym Lizavieta prakamientavała post, dzie raili adpraŭlać zaprašeńnie na viasielle kožnamu miljarderu, čyj adras atrymajecca znajści — maŭlaŭ, jość šans, što tady ich asistenty dašluć vam padarunak.
Lizavieta ŭ tym kamientary paprasiła dasyłać joj adrasy miljarderaŭ, kab skarystacca toj paradaj. Potym dziaŭčyna raskazvała, što jaje viasielnaja arhanizatarka prapanavała joj dasłać zaprašeńni śpievaku Procharu Šalapinu i akcioru Dźmitryju Nahijevu.
Lizavieta žyvie ŭ Minsku i zarablaje na žyćcio tym, što naroščvaje vałasy. Dziaŭčyna šmat piša pra abaronu pravoŭ žyvioł i navat prosić haściej viasiella zamiest kvietak daryć korm dla žyvioł, kab potym možna było advieźci ich u prytułki. U dziaŭčyny taksama jość svoj buldoh.
Viasielle ŭ Lizaviety adbudziecca 7 sakavika, ale Jarušyn naŭrad ci pryjdzie — jon užo nie ŭ Minsku. Stanisłaŭ piša ŭ kamientarach da pastoŭ, što, kali b zahadzia papiaredzili, jon, moža, i pryjšoŭ by, ale, mahčyma, dašle ad siabie videavinšavańnie.
«Naša Niva» — bastyjon biełaruščyny
PADTRYMAĆCiapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary