Ŭmacavańnie ekanamičnaha rostu ŭ Danbasie źjaŭlajecca adnoj z asnoŭnych zadač novaj prahramy pa adnaŭleńni ekanomiki Uschodniaj Ukrainy, jakuju raspracavaŭ urad ZŠA.
Dakumient, naceleny na «palapšeńnie ekanamičnaj ustojlivaści Uschodniaj Ukrainy», pradstaŭleny na sajcie Ahienctva mižnarodnaha raźvićcia ZŠA, jakoje ŭvachodzić u strukturu dziarždepartamentu.
Prablemy ŭ ekanomicy aŭtary tłumačać rasijskaj ahresijaj, jakaja, na ich dumku, «pryviała da razbureńnia krytyčna važnych rynkavych suviaziaŭ i spravakavała paharšeńnie ekanamičnych pakazčykaŭ u śfierach pramysłovaści, jakija pierš byli daminujučymi».
U prahramie vydzieleny try mety, u tym liku «palapšeńnie ekanamičnych pierśpiektyŭ Danbasa, intehracyja jaho ekanomiki ŭ ekanomiku Ukrainy, ES i inšyja mižnarodnyja rynki, a taksama raspracoŭka płana pa stvareńni ŭpeŭnienaści ŭ budučyni ekanomiki Danbasa». Jak śćviardžajuć składalniki, «realizacyja hetych zadač pryviadzie da taho, što ekanomika Uschodniaj Ukrainy budzie bolš dyviersifikavanaj i ŭzajemaźviazanaj z astatniaj Ukrainaj, mienš zaležnaj ad Rasii i lepš padrychtavanaj da zabieśpiačeńnia miascovych žycharoŭ pracaj u budučyni».
Kamientary