Jak vyhladaje adna z samych darahich u Minsku kvater — hołyja ścieny pientchaŭsa za miljon dalaraŭ FOTY
Na partale Realt.by źjaviłasia infarmacyja ab košcie niekatorych kvater u domie na vulicy Kisialova ŭ Minsku. Dazvoł na budaŭnictva TDA «Vytvorča-inviestycyjnaja hrupa» atrymała jašče ŭ 2005 hodzie, ale zdadzieny ŭ ekspłuatacyju dom byŭ tolki ŭ 2016-m.
Jak paviedamlaje pradaviec, siońnia ceny na kvadratny mietr u domie składajuć ad $1700 da $2000. A za pientchaŭs płoščaj 600 m2 pryjdziecca vykłaści jak minimum miljon dalaraŭ.
Jašče stolki ž daviadziecca vydatkavać na azdableńnie vializnaha žyłoha pamiaškańnia, ličyć ahienctva nieruchomaści, što zajmajecca prodažam kvater u hetym domie.
Prapanujem vam pahladzieć, jak vyhladaje toj samy pientchaŭs za miljon dalaraŭ.
U kvatery svabodnaja płaniroŭka. Ale ŭžo ciapier tut jość try spalni (kožnaja z sanvuzłom), kabiniet, zała płoščaj 200 m2, harderobnyja. Z kožnaha pakoja jość vychad na vielizarnuju terasu płoščaj 40 m2.
Lubavacca možna voś takimi krajavidami:
* * *
Pientchaŭs u domie na Kisialova — treciaja pa canie kvatera ŭ Minsku.
Samaje darahoje žyllo znachodzicca na vulicy Maskvina, za jaho prosiać $1,35 miljona. Płošča kvatery — 186 m2
Jość jašče kvatera ŭ «domie Čyža» na Staražoŭskaj vulicy — $1,27 miljona za 211 kvadratnych mietraŭ.
-
U cichi kvartał u centry Minska pryduć pieramieny. Tam budzie vializny skvier, centr sučasnaha mastactva i parkinh
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary