Ministerstva pryrodnych resursaŭ prapanuje ŭnieści ŭ zakon «Ab abychodžańni z žyviołami», jaki ŭžo daŭno abmiarkoŭvajuć, zabaronu na vykarystańnie pierasoŭnych i kantaktnych zaaparkaŭ, pierasoŭnych źviaryncaŭ i pierasoŭnych vystaŭ dla ekspanavańnia dzikich žyvioł. Pra heta paviedamlaje «Zialony partał».
Takaja infarmacyja ŭtrymlivajecca ŭ adkazie za podpisam namieśnika ministra pryrodnych resursaŭ i achovy navakolnaha asiarodździa Biełarusi Alaksandra Korbuta na zvarot mazyrskaha kaardynatara inicyjatyvy «Zialony dazor» Paŭła Nazdry.
U śniežni 2017 hoda, kali ŭ Mazyr z hastrolami pryjechaŭ rasijski pierasoŭny delfinaryj «Atłantyda», niekalki žycharoŭ Mazyra i Minska napisali zvaroty ŭ roznyja kantralujučyja orhany z prośbaj pravieryć hastraloraŭ na pradmiet žorstkaha abychodžańnia z žyviołami i zapuścili pietycyju z patrabavańniem zabarony pierasoŭnych delfinaryjaŭ.
Jak paviedamiŭ Alaksandr Korbut, pravieryć ŭmovy ŭtrymańnia delfinaŭ nie atrymałasia: kali čynoŭniki patrapili ŭ delfinaryj, žyvioł užo vyvieźli ŭ Rasieju.
Zaraz źjaviłasia nadzieja na toje, što takoha varvarstva ŭ našaj krainie stanie mienš. Pakul svaje prapanovy pryrodaachoŭnaje viedamstva nakiravała ŭ Ministerstva žyllova-kamunalnaj haspadarki, jakoje rychtuje prajekt zakona «Ab abychodžańni z žyviołami».
«Infarmujem, što Minpryrody nakiravany list Ministerstvu žyllova-kamunalnaj haspadarki Respubliki Biełarusi, jaki źmiaščaje prapanovy ŭ prajekt Zakona Respubliki Biełarusi« Ab abychodžańni z žyviołami», u tym liku pa farmuloŭkach jaho asobnych norm artykułaŭ, uklučajučy ŭviadzieńnie zabarony na vykarystańnie pierasoŭnych i kantaktnych zaaparkaŭ, pierasoŭnych źviaryncaŭ i pierasoŭnych vystaŭ dla praviadzieńnia kulturna-vidoviščnych mierapryjemstvaŭ z vykarystańniem dzikich žyvioł, u tym liku ich ekspanavańnia», — havorycca ŭ adkazie.
Pierasoŭnyja zaaparki i delfinaryi zabaronienyja ŭ šmat jakich krainach, u tym liku ŭ susiedniaj Ukrainie. Mahčyma, i Biełaruś stanie ŭ hetym płanie bolš cyvilizavanaj.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary