Bolš za sto pavažanych suśvietnych ekśpiertaŭ u halinie dziciačaha zdaroŭja zaklikajuć kampaniju Facebook vydalić mabilny dadatak Messenger Kids, kab nie ŭciahvać dziaciej u sacyjalnyja sietki, pieradaje Bi-Bi-Si. Adkryty list adrasavany stvaralniku i kiraŭniku kampanii Marku Cukierbierhu.
Messenger Kids — sproščany dadatak Facebook, stvorany dla kamunikacyi karystalnikaŭ da 13 hod. Miesiendžar abaraniaje dziaciej ad rekłamy i dazvalaje baćkam kantralavać ichnija dziejańni.
Ekśpierty ŭpeŭnienyja, što dzieci jašče nie hatovyja da taho, kab mieć akaŭnty ŭ sacsietkach.
«Jany nie dastatkova darosłyja, kab aryjentavacca ŭ składanaściach anłajn adnosin, jakija časta pryvodziać da nieparazumieńniaŭ i kanfliktaŭ navat siarod bolš stałych karystalnikaŭ», — havorycca ŭ liście.
U svaim adkazie pradstaŭniki Facebook zajaŭlajuć, što z momantu stvareńnia Messenger Kids ŭ śniežni 2017 hoda jany prymajuć šmat padziakaŭ ad baćkoŭ, jakija kažuć, što dziakujučy hetamu dadatku mohuć zaŭsiody padtrymlivać biaśpiečnuju suviaź ź dziećmi. Aŭtary ž pietycyi adkazvajuć, što dla hetaha pasuje luby inšy miesiendžar abo prosta telefon.
Kamientary