Miesiendžar Telegram vydalili z App Store za nieprymalny kantent
U noč na 1 lutaha Telegram pierastaŭ być dastupny dla karystalnikaŭ pryładaŭ kampanii Apple. Dadatak nielha było znajści ŭ pošuku ni ŭ Biełarusi, ni za miažoju.
Zasnavalnik Telegram Pavieł Duraŭ zajaviŭ u svaim tvitary, što miesiendžar chutka vierniecca ŭ App Store: «Prablema niaznačnaja, chutka pavinien viarnucca».
Paźniej vyśvietliłasia, što pryčyna vydaleńnia Telegram źviazanaja z najaŭnaściu ŭ im «nieprymalnaha kantentu».
«Apple papiaredziła kampaniju ab tym, što našym karystalnikam byŭ dastupny nieprymalny kantent, i abodva dadatki byli źniatyja z App Store. Jak tolki my zabiaśpiečym abaronu, my čakajem, što jany viernucca ŭ App Store», — prakamientavaŭ situacyju Duraŭ u svaim mikrabłohu ŭ Tvitary.
Varta adznačyć, što z kramy dadatkaŭ dla mabilnych pryładaŭ Android miesiendžar nie źnikaŭ.
Kamientary