Gracenote: Biełaruś na Alimpijadzie-2018 zavajuje 2 srebranyja i adzin bronzavy miedali
Amierykanskaja analityčnaja kampanija Gracenote apublikavała kančatkovy miedalny prahnoz na Alimpijskija hulni ŭ Pchienčchanie, što pačnucca 9 lutaha.
Patencyjnyja multymiedalisty Hulniaŭ-2018:
Łaura Dalmajer (Hiermanija, bijatłon) — 6 załatych miedaloŭ (sprynt, honka pieraśledu, mas-start, indyvidualnaja honka, žanočaja estafieta, supiermikst);
Marten Furkad (Francyja, bijatłon) — 6 miedaloŭ: 3 załatyja (pieraśled, mas-start, indyvidualnaja honka), 2 siarebranyja (sprynt, supiermikst) i bronzavy (mužčynskaja estafieta);
Jochanes Bo (Narviehija, bijatłon) — 5 miedaloŭ. 2 załatyja (sprynt i mužčynskaja estafieta), 2 siarebranyja (honka pieraśledu i mas-start) i bronzavy (supiermikst);
Top-5 krain pa kolkaści miedaloŭ:
| 1 | Narviehija | 41 | 13 | 13 | 15 |
| 2 | Hiermanija | 39 | 14 | 11 | 14 |
| 3 | ZŠA | 29 | 11 | 6 | 12 |
| 4 | Kanada | 28 | 7 | 9 | 12 |
| 5 | Francyja | 21 | 10 | 8 | 3 |
Pa viersii analitykaŭ z Gracenote, zbornaja Biełarusi na Alimpijadzie-2018 zavajuje 3 miedali.
Dva siarebranyja miedali — Darja Domračava (bijatłon, honka pieraśledu) i Anton Kušnir (frystajł). Adna bronza — Darja Domračava (bijatłon, mas-start).
Raniej kampanija Gracenote prahnazavała Biełarusi 2 (0-1-1) miedali Alimpijady.
The Associated Press prahnazuje 3 siarebranyja i adzin bronzavy miedali.
Kamientary