Sacyjalnaja inicyjatyva «Zimovyja biehavyja hulni: #velcombegom», jak i naležyć maštabnamu mierapryjemstvu, ciapier maje svoj himn. Muzyčnaj vizitoŭkaj akcyi stała enierhičnaja novaja kampazicyja «Zima» hurta J: Mors.
«Cikavy prajekt, — kaža frontmen J:Mors Uładzimir Puhač. — U im papularyzacyja zdarovaha ładu žyćcia ŭmieła spałučajecca z dabračynnaj inicyjatyvaj! Važna, kali nas abjadnoŭvajuć takija idei! Ja zaŭsiody addavaŭ pieravahu zimovym vidam sportu. Katajusia na hornych łyžach. Rady, što ŭ hetym prajekcie ŭdzielničajuć i łyžniki taksama. Čym daŭžejšaja łyžnia, tym bolš dapamohi škołam-internatam!»
«Zimovyja biehavyja hulni» prachodziać u Minsku i abłasnych centrach z 9 pa 11 lutaha. Akcyju #velcombegom — pa sutnaści spałučeńnie masavych zaniatkaŭ sportam z dabračynnaj inicyjatyvaj — padtrymlivaje Paralimpijski kamitet Biełarusi. Mierapryjemstvy minułych hadoŭ prachodzili tolki ŭ ciopłaje nadvorje i byli raźličany tolki na biehunoŭ. U «Zimovych biehavych hulniach» zmohuć uziać udzieł i łyžniki, i amatary katańnia na kańkach — razam z prychilnikami biehu, jak u zale, tak i na adkrytym pavietry.
Dla ŭdziełu ŭ akcyi nieabchodna z 9 pa 11 lutaha raźmiaścić u svaich sacsietkach fota z ekranam trenažora ci skrynšot fitnes-dadatka z ukazańniem daty, kiłamietražu i dvuch cheštehaŭ: #velcombegom i #naulica (chto biehaje na vulicy) abo #velcombegom i #vzał ( chto trenirujecca ŭ zale ci doma). Kiłamietry luboj pieraadolenaj dystancyi kampanija velcom pieraviadzie ŭ rubli, jakija nakirujuć na dapamohu dvum maładziečanskim škołam-internatam dla dziaciej ź invalidnaściu.
Najbližejšy kancert J: Mors u Minsku adbudziecca 14 lutaha ŭ Prime Hall — razam z Prezidenckim arkiestram RB hurt pradstavić ramantyčnuju viersiju prahramy «Biełaruskaje zołata».
-
Śpiavačka Lera Jaskievič padzialiłasia bolem: «Mahčyma, ja nie zmahu vypuskać pieśni pad svaim imiem». Što zdaryłasia?
-
Ci budzie hurt «Piatla prychilnaści» praciahvać vystupać z novym vakalistam, bieź Illi Čarapko?
-
«Usie pieśni vydalenyja». Papularnaja błohierka Andžyliša pasvaryłasia z kampanijaj, źviazanaj ź niaviestkaj Łukašenki
Kamientary