Žančyn čaściej buduć vyłučać na Nobieleŭskuju premiju: «Ich intaresy ŭščamlajucca»
Nobieleŭski fond płanuje pavialičyć kolkaść žančyn siarod uładalnikaŭ premii, paviedamlaje BiełTA. Staršynia arhanizacyi Karł-Chienryk Chełdzin ličyć, što siońnia siarod łaŭreataŭ zanadta šmat mužčyn, i heta vidavočny «hiendarny pierakos».
Kab vyrašyć situacyju, što skłałasia, u chodzie asablivaj sustrečy ŭ Stakholmie kiraŭnictva Nobieleŭskaha fondu vyrašyła čaściej naminavać žančyn.
Za ŭsiu historyju ŭručeńnia Nobieleŭskaj premii łaŭreatami stali 892 čałavieki. Pry hetym siarod uładalnikaŭ hetaj hanarovaj uznaharody ŭsiaho 48 žančyn, što składaje prykładna 5,4%.
Siarod łaŭreataŭ-žančyn — Maryja Składoŭskaja-Kiury, jakaja atrymała premiju i pa chimii, i pa fizicy, maci Tereza i junaja pakistanskaja pravaabaronca Małała Jusufzaj, piśmieńnicy Sielma Łahierlof, Dorys Lesinh, Elis Munro i biełaruska Śviatłana Aleksijevič.
Kiraŭnictva Nobieleŭskaha fondu ličyć heta surjoznaj prablemaj, pakolki intaresy žančyn akazvajucca ŭščemlenymi. Padčas sustrečy byli vyłučany niekalki inicyjatyŭ, jakija buduć intensiŭna prapracoŭvacca ŭ nobieleŭskich kamitetach i ŭ dalejšym dapamohuć vypravić stanovišča.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary