19 lutaha ŭ Domie futboła adbyłosia pasiadžeńnie Asacyjacyi «Biełaruskaja fiederacyja futboła». Kamitet vynies rašeńni ab asobach, jakija ŭdzielničali ŭ dahavornych matčach, paviedamlaje ABFF.
Za arhanizacyju dahavornych matčaŭ były futbalist Viačasłaŭ Zamara i trenier-administratar Jury Syrakvaška («Pramień», Minsk) abvieščanyja piersonami non hrata — asobami, niepažadanymi dla dziejnaści ABFF.
Pakarańnia ŭ vyhladzie pažyćciovaj dyskvalifikacyi padvierhlisia futbalisty Alaksandr Ciškievič ( «Isłač»), Alaksandr Lebiedzieŭ («Isłač»), Andrej Paryvajeŭ («Isłač»), Juryj Ryžko («Isłač»), Siarhiej Šumanaŭ («Pramień», Minsk), Ihar Žuraŭloŭ («Pramień»), Vital Žałudok («Ašmiany-BDUFK»), Viačasłaŭ Pałaźnik («Ašmiany-BDUFK»), Jahor Hudziel («Ašmiany-BDUFK»), Alaksiej Sakovič («Ašmiany-BDUFK»), Illa Haŭryłaŭ («Hranit»), trenier Uładzimir Makoŭski («Isłač»).
Pakarańnia ŭ vyhladzie dyskvalifikacyi na 24 miesiacy padvierhlisia futbalisty Ivan Dzienisievič («Isłač»), Alaksandr Ałumona («Isłač»), Alaksandr Papuš («Isłač»), Alaksandr Tarlikoŭski («Pramień», Minsk), Andrej Naporka («Pramień», Minsk), Dzianis Miadźviedzieŭ («Pramień», Minsk), dyrektar Dźmitryj Karpoŭski («Pramień», Minsk), Dzianis Žbankoŭ («Ašmiany-BDUFK») a taksama były futbalist Dźmitryj Makar i były arbitr Stanisłaŭ Savicki.
U adnosinach da tak zvanaha matču-fantoma siabry kamiteta pryniali rašeńnie pažyćciova dyskvalifikavać supracoŭnikaŭ Paŭła Kačanoviča («Šachcior», Salihorsk) i Uładzisłava Karanieŭskaha («Słuck»), a taksama hramadzian Łysakova i Harbunova. Nahadajem, što jany prapanavali dvum pradstaŭnikam futbolnych kłubaŭ «Šachcior» i «Słuck» apublikavać u internecie vyniki futbolnaha matča, jaki nibyta adbyŭsia, tym samym uvioŭšy ŭ zman zamiežnyja bukmiekierskija kantory, i, zahadzia viedajučy vynik, zrabić harantavanyja vyjhryšnyja staŭki.
Kamientary